{ முகநூல் கருத்துக்கள்}{ட்விட்டர் கருத்துக்கள்}

இந்த கவிதை எழுத்து மேடை பகுதியில் 28-11-2012 அன்று வெளியானது. அப்பதிவினை காண இங்கு அழுத்தவும் [http://kayalpatnam.com/columns.asp?id=67]
-----------------------------------------

கடலோடும் காற்றோடும் கந்தகத்தைக் கலக்கின்ற
கொடும்பாவக் கூட்டத்தின் கயமையினை கருகலைப்போம்!
உணவோடும் உயிர்மீதும் விஷம்தன்னை விதைக்கின்ற
வஞ்சகரின் வன்செயல்கள் வளராமல் வேரறுப்போம்!

அல்லாஹ்வை அஞ்சாமல் அற்பசுக பணத்திற்காய்
அன்னைஎம் பூமியதை அன்னியர்க்கு இரையாக்கும்
சண்டாளர் சதிசெயலின் துரோகத்தை தோலுரித்து
சந்ததிகள் சாந்தியுடன் வாழ்வதற்கே வழிசெய்வோம்!

வரலாற்றுப் பெருமைமிகு ஊரெனவே கதைபேசி
வெறும்வாயை மெல்லாமல் வீரியமாய் நிமிர்ந்திடுவோம்!
ஒருபாவம் அறியாத போபாலின் அவலநிலை
ஒருபோதும் காயலுக்கு நேராமல் களம்புகுவோம்!

இருபத்து ஒன்பதாம் தேதியதன் மாலையிலே
அருகாமைத் தொழிற்சாலை தரும்துன்பம் துயரங்கள்
வதைக்காமல் நம்மைநாம் காத்திடவே என்தோழா
வள்ளல் சீதக்காதி திடல்நோக்கி நீவருக!

நிகழ்காலம் - மாதமிருமுறை பத்திரிக்கையின் டிசம்பர் 1 - 15 இதழில் வெளியான கட்டுரை