Kayal on the Web

1. முதுமை,பழமை என்றில்லாமல் என்றும் புதுமை, இளமை எங்கள் ALS மாமா...
posted by: M.N.L.முஹமது ரபீக் (சிங்கப்பூர்.) on 11 June 2015
IP: 180.*.*.*

Singapore | Comment Reference Number: 40951

அன்பின் ஏ.எல்.எஸ்.மாமா அவர்களுக்கு, அஸ்ஸலாமு அலைக்கும்.

கால்நூற்றாண்டுகளுக்கு முன் ஓர் நாள் நமதூர் கடற்கரையில் வைத்து காயல் ஏ. தர்வேஷ் முஹம்மத் இவர்தான் கோணியூர் ரபீக் (அன்று நான் கேரளாவில் இருந்த நேரம் ஆகையால் இந்த பெயரில்தான் எனது ஆக்கங்கள் வெளிவந்து கொண்டிருந்தன) என்று என்னை உங்களுக்கு அறிமுகம் செய்து வைத்தார். இவரா...? என வியப்புடன் என் கைகளை பற்றிப்ப் பிடித்து என்னிடம் ஒரு குழந்தை போல பல விஷயங்களை ஆர்வத்துடன் கேட்டறிந்தீர்கள். அறிவிலும், அனுபவத்திலும் என்னை விட ஆயிரம் மடங்கு ஆற்றல் உடைய தாங்கள் இன்றும் ஒரு பாலகனைப் போன்று அறிவின் விளிம்பைத் தேடி ஆர்வத்துடன் அலைகின்றீர்கள்.

நிறைய பத்திரிக்கைகள், நிறைய ஆக்கங்கள், உருவமில்லா ஓவியம், உலக நடப்புகள் மார்க்க ஞானம், மதிப்பு, மரியாதை இப்படி அனைத்து விஷயங்களிலும் ஆர்வம் சற்றும் குறையாமல் ஈடுபட்டு வருவதை நான் அறிவேன். அல்லாஹ் தங்களுக்கு சரீர சுகத்தையும், உடல்வலுவையும் தர வேண்டும். தங்களின் ஆக்கங்களை நான் பொறுமையுடன் படித்து நிறைய தகவல்களை அறிந்து கொள்வேன். தங்களிடம் பேசிக்கொண்டிருந்தால் நேரம் போவதே தெரியாது.

ஆயிரம் புத்தகங்களை படிப்பதை விட ஒரு அறிவாளியுடன் அரை மணிநேரம் பேசுவது மேல் என்று யாரோ சொல்ல கேள்விபட்டிருக்கின்றேன். அதை நான் தங்கள் வாயிலாக உணர்ந்தும் இருக்கின்றேன். தொடர்ந்து எழுதுங்கள் மாமா...! கருத்துக்கள் வருகின்றதோ இல்லையோ அதை குறித்த கவலை வேண்டாம். என் போன்றோர் உங்கள் பதிவுகளை நழுவ விட மாட்டார்கள். அல்லாஹ் உங்களுக்கு அருள்புரிவானாக...ஆமீன்.

என்றும் பாசத்துடன்,
உங்கள் ஹிஜாஸ் மைந்தன்.

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]