IP: 117.*.*.* India

மும்பை மொஹிடீன் அவர்கள் துணைதலைவராக தேர்ந்தேடுக்கப்பட்டதற்கு வாழ்த்துக்கள். போற்றுவோர் போற்றட்டும், புழுதி வாரி தூற்றுவோர் தூற்றட்டும். என் கடன் பணி செய்து கிடப்பதே என்று உங்கள் பணியை தொடருங்கள்.

உங்கள் வெற்றியை வரம்புமீறி புகழ்வோரும் உங்கள் வெற்றியை வரம்பு மீறி விமர்சிப்பவர்களும் வெளியிட்டுள்ள சுவரொட்டிகளையும் அறிக்கையையும் பார்த்து வேதனைப்பட்டேன்.

நீங்கள் உதய சூரியன் சின்னத்தில் போட்டியிடவில்லை, ஏற்கெனவே உங்கள் வார்டு மக்களுக்கு சேவை செய்து, அவர்கள் இதய சிம்மாசனத்தில் இடம் பிடித்ததால் உங்களுக்கு மக்கள் மீண்டும் வாய்ப்பு தந்திருக்கிறார்கள் என்பதுதான் நிதர்சன உண்மை. உங்களை துணைதலைவராக தேர்ந்தெடுக்க 13 உறுப்பினர்கள் முன்வந்ததும் உங்கள் சேவை மனப்பான்மையை கருத்தில் கொண்டுதான் அவர்கள் கட்சி வித்தியாசம் பார்க்காமல் உங்களை தேர்ந்தேடுதுள்ளர்கள்.

இந்த வெற்றியை திராவிட முன்னேற்ற கழக முன்னோடிகள் அந்த கட்சியின் வெற்றியாக வெடி வெடித்து சுவரொட்டிகள் ஒட்டி பெரிதுபடுத்தியிருக்க தேவை இல்லை. எவ்வளவோ நலத்திட்டங்களை செயல்படுத்திய கலைஞர் சட்டமன்ற தேர்தலில் தோல்வி கண்டபோது மக்கள் எனக்கு ஒய்வு அளித்திருக்கிறார்கள் என்று இரத்தின சுருக்கமாக சொல்லி தன தோல்வியை ஊதிதள்ளி விட்டு இன்று தொடர்ந்து களத்தில் இருக்கிறார்கள்.

தம்பிமார்கள் இப்படி ஒரு சுயேட்சையின் வெற்றியை உதய சூரியனின் வெற்றியாக கொண்டாடியதன் விளைவு இப்போது மாற்று கட்சியினர் உங்கள் மீது சந்தேகக் கண் கொண்டு பார்க்கிறார்கள். கழக முன்னோடிகள் இந்த வீண் விவாதத்தை தவிர்த்திருக்கலாம்.

அதே சமயம் உங்கள் வெற்றியை குறைகூறி நோட்டீஸ் விட்டிருப்பவர்கள் தங்கள் சுய விலாசத்தையே தவற விட்டிருக்கிறார்கள். சிங்க நடை போட்டு சிகரத்தில் ஏறி சகோதரி அபிதாவை அரியணையில் ஏற்றி தங்கள் விலாசத்தையும் உயர்த்தி கொண்டவர்கள், அசிங்க நடை (நோட்டீஸ்) போட்டு சாக்கடையில் விழுந்து தங்கள் முகவரியையும் இழந்து மொட்டையாக ஒரு அறிக்கையை விட்டிருக்கிறார்கள்.

தேர்தல் கமிசனுக்கு அவர்கள் அலைபேசியில்லிருந்து தகவல் கொடுத்திருந்தால் இந்த அவல நிலையை தடுத்திருக்கலாம். குறைந்தபட்சம் மக்கள் அறியும்படி சம்பந்தப்பட்டவர்களின் பெயர்களை தைரியமாக வெளியிட்டு தன் விலாசத்தையும் அடியில் எழுதியிருக்கலாம்.

COWARDS DIE MANY A TIME BEFORE DEATH, BUT VALIANTS ONCE என்று ஆங்கிலத்தில் சொல்வார்கள். எனவே துணிந்து கருத்துக்களை வெளியிட்டு வந்தவர்கள் வெற்றிக்கனிகளை பறித்தவர்கள் இப்போது பதுங்கியிருந்து தங்களை கோழைகளாக வெளிக்காட்டிக்கொண்டிருப்பதும் வேதனையான செய்திகள்.

எது எவ்வாறாயினும், நீங்கள் துணைதலைவராக பொருப்பெற்றுக்கொண்டிருக்கும் இந்த நல்ல வேலையில் சகோதரி ஆபிதாவுடன் இணைந்து நமதூருக்கு செய்யவேண்டிய கிடைக்க வேண்டிய நலத்திட்டங்களை கொண்டுவந்து, இந்த ஊரை முன்மாதிரி நகராக ஆக்க முயற்சி செய்யுங்கள்.

மறந்து விடாதீர்கள் நீங்கள் உதய சூரியனின் ஆதரவு பெற்று வரவில்லை, மக்களின் இதய சிம்மாசனதிலிருந்து தேர்ந்தேடுக்கப்பட்டிருக்கிரீர்கள்.

பணம் கை மாறியதா இல்லையா என்பதை அல்லாஹ்வே நன்கு அறிந்தவன். உப்பு திண்டவன் தண்ணி குடிப்பான், தப்பு செய்தவன் தண்டனை பெறுவான். இதுவே இறைவன் நியதி.

Moderator: Comment edited!