IP: 2.*.*.* Saudi Arabia

சுடலை அண்ணன்..!!! மறக்க முடியாத ஒரு அற்புத மனிதர்.!!

அவர்களின் மரண செய்தியை அறிந்ததும் உண்மையில் மனதில் ஒரு வெறுமை உண்டானதை அறிய முடிகின்றது.

அவர்களின் குடும்பத்தார் அனைவர்களுக்கும் மற்றும் பள்ளி நிர்வாகத்திற்கும் என்னுடைய அனுதாபத்தை தெரிவிக்கின்றேன்.

அண்ணனை நினைத்ததும்.. பழைய நினைவுகள் தூண்டப்பட்டு விட்டன.

கண்டவுடன் " சியா.. நல்ல இருக்கியாப்பா..! " என்று பெயரை நினைவு வைத்து விசாரிப்பார்.

* பல பிரச்சனைகளில் அடியேனை, காட்டிக்கொடுத்து மாட்டிவைக்காத நல்லவர்.

## மிகச்சிறுவனாக இருந்த சமயம், எல்.கே. அப்பாவின் காரில், ஹாரனை பிரஸ் பண்ண, ஹாரன் பட்டன் சனியன். அப்படியே ஸ்ட்ரக் ஆக, ஹாரன் தொடர்ந்து அலற, சுடலை அண்ணன் பார்த்து விட, ஒட்டு மொத்த தெரு பசங்களையும் எல்.கே. அப்பாவின் முன் நிறுத்தப்பட்டு விசாரணை நடக்க, பயத்துடன் அனைவர்களும் நடுக்கத்துடன் நிற்க.. அண்ணன்.. காட்டிக் கொடுக்க வில்லையே...!

## பள்ளியில் இரவுப்பாடம் தங்கி படிக்கும் சமயம், போட்ட கூத்துக்கு, வீட்டிலும் பள்ளியிலும் மண்டகப்படி நடைபெறாமால் காத்த பெருமை இவருக்கு உண்டு.

## நடு இரவில் அனைத்து கட்சி கொடிகளையும் அரைக்கம்பத்தில் கட்டிவிட்டு நாங்க வர, பிரச்சனை பெரியதாக ஆக, கட்சிகாரர்கள் எங்களின் மேல் புகார் தெரிவிக்க, சுடலை அண்ணன்.. ஒரே பிடியாக.. " நான் அனைத்து கேட்களையும் பூட்டி, மாணவர்கள் கூடவே இருந்தேன். ஒருத்தர் கூட வெளியில் செல்லவில்லை.. "என்று ஒத்தைக்காலில் நின்று விட்டார். அப்புறம் என்ன.. அவரிடம் மட்டும் பாட்டு கிடைத்தது.." ஏலே.. இப்படி எல்லாம் செய்யாதங்கலே..!!" என்று கூலாக பாட்டு விடுவார்.

## இப்படி.. பல விசயங்களை பட்டியலிட்டால்.. அப்புறம் சங்கடம் தான், எனக்கும்.. பலருக்கும்.

ஆக, பலருடைய ரகசியங்களை மனதில் பூட்டி வைத்து இருந்த இதயம்.. இன்று ஓய்வு பெற்று புதைந்து விட்டது., கூடவே பல நூறு ரகசியங்களும்.

கவலையுடன்,
சாளை S.I.ஜியாவுத்தீன், அல்கோபார்