IP: 117.*.*.* India

மைக்ரோ காயல் மாற்று முறை மருத்துவம் பற்றிய ஆரம்பமே அற்புதமாக இருக்கிறது. சரியான நேரத்தில் வெளியிடப்பட்டுள்ள மாற்று கருத்துக்கள். மாணவர்கள் அரசு தேர்வு எழுதி பெறுபேறுகளை எதிர்பார்த்துக் கொண்டிருக்கும் விடியல் வேளை.அல்ஹம்து லில்லாஹ்.

மாற்றுமுறை என்பதைவிட நம் முன்னோர்கள் விட்டு சென்ற மருத்துவம்.... எத்தனையோ நம் முன்னோர்களின் பழக்க வழக்கங்களை,அவர்கள் அன்றாட வாழ்வியல் கடமையாக செய்தவைகள் , அதன் ஆழமான அர்த்தம் தெரிந்து செய்தவைகளை நாம் வெறும் சம்பிரதாயமாக சடங்காக செய்து வருகிறோம். ஆனால் இந்த மருத்துவத்தை மட்டும் கை விட்டு விட்டோம். அதில் நமக்கு நம்பிக்கையும் இல்லாமல் போய்விட்டது என்பதுதான் உண்மை.

மாற்று மருத்துவம் கற்று அதன்படி பரிகாரங்கள் செய்யும் மருத்துவர்களை உருவாக்க வேண்டும் என்ற உந்துதல் இந்த கட்டுரையை படித்தவுடன் ஏற்பட்டுள்ளது. படிப்பவர்கள் எல்லோரும் அப்படியே நினைப்பார்கள் என்று நினைக்கிறேன். இதற்கு மைக்ரோ காயல் களம் அமைத்துக் கொடுக்கலாம். இதற்கான ஒரு நபருக்கான செலவும் எவ்வளவு வரும் என்பதை கேட்டறிந்து வெளியிட்டால், உதவி செய்பவர்கள் புற்றீசல்கள் போல் வெளியே வருவார்கள். நம் மக்களுக்கு செல்வமும் செல்வாக்கும் அள்ளிக் கொடுக்கும் உள்ளமும் அல்லாஹ் தந்துள்ளான். உங்களை போன்ற தன்னலமற்ற சேவையாளர்கள் தான் குறைவு. நாம் செலவழிக்கும் பணம் விரயமாகி விடக்கூடாதே என்ற பயம் நிறைய பேருக்கு உண்டு.

பாளையம்கோட்டையில் உள்ள சித்த மருத்துவக் கல்லூரியில் நம்மவர்கள் எத்தனை பேர் படிக்கிறார்கள், ஆங்கில மருத்துவக்கல்லூரிகளில் எத்தனை பேர் படிக்கிறார்கள் என்ற புள்ளி விவரம் தெரிந்தாலே போதும் லட்சக்கணக்கான பணம் எப்படி பாழ் ஆகிறது என்று தெரிய வரும். , அதே நேரம் மருத்துவம் படிக்க ஆர்வம் இருந்தும் படிக்க இவ்வளவு பண வசதி இல்லாமல் எவ்வளவு திறமைசாலிகள் முடங்கி கிடக்கிறார்கள் என்பதும் தெரிய வரும்.

நீங்கள் கோடு போட்டிருக்கிறீர்கள். உங்கள் கட்டுரை தொடரட்டும். அதே வேளை இந்த மாற்று மருத்துவம் படிக்க தேவையான எல்லா விவரங்களையும் தொடர்ந்து எழுதுங்கள். மன மாற்றங்கள் இந்த அரசு தேர்வுகள் முடிந்ததில் இருந்தே ஆரம்பிக்கும் இன்ஷா அல்லாஹ்.