IP: 117.*.*.* India

அஸ்ஸலாமு அலைக்கும் (வரஹ்).

அனைத்து வகையான தெருவிளக்குகளையும் பராமரிக்கும் பணி தனியார்மயப்படுத்தப்பட்டுள்ளது என்பது பல வகைகளில் வரவேற்க வேண்டிய திட்டம்.

இந்த திட்டம் செயல்படுத்தப்பட்டால் அதன் மூலம் நிரந்தர பணியாளர்கள் இல்லை என்ற குறை நீக்கபட்டு, இவ்வளவு நாட்களாக எரியாதிருந்த தெருவிளக்குகள் எல்லாம் இன்ஷா அல்லாஹ்! முறையாக எரியும்.

விளக்குகள் எரியாதிருந்தாலோ, உடைந்திருந்தாலோ அல்லது வேறு எந்த இடையூறும் மக்களுக்கு இருந்தால் ஒப்பந்தக்காரரும் முறையாக பராமரிப்புச் செய்வார், நகராட்சியும் அதிகாரத் தோரணையில் உத்தரவு பிறப்பிக்கும்.
-----------------------------------------
மக்களே! ரோடுகள் போடுவதும் கூட தனியாரிடம்தான் ஒப்பந்தம் கொடுத்து போடுகிறார்கள் அது எப்படி? நன்றாகவா இருக்கிறது? அதில் நகராட்சியின் அதிகாரம் எங்கே? என்று கேள்வியை எழுப்பாதீர்கள்!!! காரணம் ரோடு போடுகிற ஒப்பந்தத்திற்கு மேலிருந்து கீழ்வரை (நகராட்சி அதிகாரி - வார்டு மெம்பர்) பெரும்பாலானவருக்கு பங்கு உண்டு அதனால் யாராலும் தட்டிக் கேட்க முடியாது.

ஆனால் இந்த தெருவிளக்கு ஒப்பந்தம் விட்டால் அல்லது ஒப்பந்தம் விட்டிருந்தாலும் அதில் சிலருக்கு மட்டுமே பங்கு இருக்கும் - பெரும்பாலானவருக்கு பங்கு இருக்காது.

பழைய முறைப்படி நகராட்சி தெரு விளக்குகளை பராமரிப்பு செய்துகொண்டிருக்கும்போது அதற்காக அவர்கள் வாங்கிய உதிரிபாகங்கள் மற்றும் மராமத்து செலவுகள் வகையில் பங்கு வாங்கி கொண்டிருந்த கூட்டம் இதில் பங்கு கிடைக்காததால் அதிகாரத்தோரணையில் உத்தரவுகளை பிறப்பிக்கும்.
----------------------------------------
இனிமேல் பார்க்கலாம் மின் வாரிய ஊழியர்களுக்கும் - நகராட்சி அலுவலக ஊழியர்களுக்கும் உள்ள தொடர்பு எத்தகையதாக இருந்தது என்பதையும்.

கடற்கரையில் போடப்பட்ட மின்னொளி விளக்கில் என்ன ஊழல் நடந்தது என்பதையும், இன்னும் பல, பல விசயங்களையும் பொறுத்திருந்து பார்த்தால் எல்லாம் விரைவில் வெட்ட வெளிச்சமாகும் - அதுதான் தெருக்கள் எல்லாம் வெளிச்சமாகப் போகுதே அந்த வெளிச்சத்தில்.
-------------------------------------------
உள்ளூர் காண்ட்ராக்ட்டர்களே!

தெரு விளக்குகள் பராமரிப்பு பணிகளுக்கு காண்ட்ராக்ட் எடுப்பதற்கு முயற்சிக்கலாமே இன்ஷா அல்லாஹ்! உங்களுக்கு வாய்ப்புக்கள் கிடைக்கக்கூடும்.

என்னைப் பொறுத்தவரை 12 இலட்சம் என்பது கூடுதலான தொகையாகத்தான் தெரிகிறது, உங்கள் அனுபவங்களின் மூலம் அலசிப்பார்த்து ஆலோசித்து குறைந்தத் தொகைக்கு காண்ட்ராக்ட் எடுத்து நல்ல முறையில் செய்து ஊருக்கும் உதவி, நீங்களும் நேர்மையான முறையில் சம்பாதிக்கலாமே. முயற்சி செய்து பாருங்கள் நேர்மையான வழியில், இன்ஷா அல்லாஹ்! கிடைக்கும்.

வல்ல அல்லாஹ்! நம் ஊர் நகராட்சியை நேர்மையாளர்கள் நிறைந்த சபையாக ஆக்கி வைப்பானாக ஆமீன். வஸ்ஸலாம்.