IP: 59.*.*.* India

சாதாரண நேரத்தில் நாம் பேசும் நல்ல பலவற்றை, அதற்குண்டான நேரத்தில் கடைப்பிடிப்பது மிகவும் கடினமாகவே உள்ளது.

விதியைப் பொருந்தித்தான் ஆக வேண்டும் என்று நம்மில் சொல்லாத எவருமிருக்க வாய்ப்பில்லை. ஆனால் இதுபோன்ற தருணங்களில், மனிதன் பலவீனமானவன் என்பதை நிரூபித்து விடுகிறான். அதற்கு நானும் விதிவிலக்கல்ல!

“இவருக்கா? இவ்வளவு விரைவாகவா?” என்ற கேள்விகள் என் மனதைத் துளைத்துக் கொண்டே இருக்கின்றன.

திடீர் செல்வ வளம் நம்மில் பலரின் குணம், நடை, உடை என அனைத்தையுமே தலைகீழாக மாற்றிவிடும் இக்காலகட்டத்தில், எப்போதும் ஒரே குணத்துடனும், இன்முகத்துடனும் வாழ்ந்து வந்த ஸிராஜ் காக்கா தனித்தன்மை வாய்ந்தவராகவே என் கண்ணில் பட்டார்.

தன் குடும்பத்தில், தன் சுற்றுப்புறத்தில், தன் தெருவில் இன்று வேலையின்றி இருப்போர் எவருமில்லை என்று சொல்லுமளவுக்கு அனைவருக்கும் வளமான வாய்ப்பை ஏற்படுத்திக் கொடுத்தார்.

பலர் பங்கேற்று செய்யும் தான தர்ம காரியங்களை - தனியொருவராக தயங்காமல் செய்து, பிறருக்கு இலக்கணமாய் வாழ்ந்தார்.

பெருநோய் தன்னைத் தீண்டி திக்குமுக்காடச் செய்த வேளையிலும், முகத்தில் அதை வெளிக்காட்டாமலேயே வாழ்ந்து மறைந்துள்ளார்.

திருமணமாகி 10 வருடங்கள் கழித்து அழகிய சிட்டுக் குருவிகளை அல்லாஹ் அவருக்கு குழந்தைகளாக அளித்து மகிழச் செய்தான். தந்தையின் அருகாமை இவ்வுலகில் இனி இல்லை என்பதை நினைக்க நினைக்க, அந்தப் பிஞ்சு முகங்களை நேருக்கு நேராகக் காண கண்கள் தயங்குகின்றன.

இன்னா லில்லாஹி வ இன்னா இலைஹி ராஜிஊன்.

கருணையுள்ள அல்லாஹ், மர்ஹூம் அவர்களின் அனைத்துப் பிழைகளையும் மன்னித்து, ஜன்னத்துல் ஃபிர்தவ்ஸ் எனும் உயர் சுவனத்தில் நல்லோருடன் இணைந்திருக்கச் செய்வானாக...

அன்னாரின் பிரிவால் துயருற்றிருக்கும் - மர்ஹூம் அவர்களின் குடும்பத்தார் யாவருக்கும் அழகிய பொறுமையைத் தந்தருள்வானாக, ஆமீன்

அனைவருக்கும் எனது அகங்கனிந்த அஸ்ஸலாமு அலைக்கும் வரஹ்மத்துல்லாஹி வபரக்காதுஹ்...

துஆக்களுடன்,
எஸ்.கே.ஸாலிஹ்
மற்றும்
மர்ஹூம் எஸ்.கே.ஷாஹுல் ஹமீத் குடும்பத்தார்
கொச்சியார் தெரு, காயல்பட்டினம்.

மனதில் அழுத்தமாக ஓடிக்கொண்டிருக்கும் ஓர் எண்ணத்தை இங்கே பகிர விரும்புகிறேன்...

பாழாய்ப்போன உயிர்க்கொல்லி நோய் நமதூரைத் தொடர்ந்து தாக்கிக் கொண்டிருக்கிறது. ஆனால் நாமோ எப்போதாவதுதான் இது விஷயத்தில் கவலை கொள்கிறோம்.

கடந்த இரண்டு நாட்களில் இரண்டு மரணங்கள். இரண்டும் - பரம எதிரிக்கும் வரக்கூடாத இந்த உயிர்க்கொல்லி நோய் காரணமாக ஏற்பட்டவையே.

உயிர்க்கொல்லி நோய்களுக்குக் காரணியாக நம் கண்களில் படும் அனைத்திற்கும் எதிராக மனமுவந்து நிரந்தரமாக நாம் போராடியே தீர வேண்டும். எந்தளவுக்கு அதில் வீறு கொள்கிறோமோ அந்தளவுக்கு அல்லாஹ் விடிவு காலத்தையும் வைத்திருப்பான்.

இத்தருணத்தில் என்னால் இவ்வளவுதான் சொல்ல முடிகிறது...