IP: 87.*.*.* Saudi Arabia

சிராஜ் காக்காவின் வஃபாத் செய்தியறிந்து மிகவும் அதிர்ச்சியால் அழுதுவிட்டேன்.

பண்பாளர்களுக்கெல்லாம் எடுத்துக்காட்டாய் வாழ்ந்தவர்கள். எங்களது மஹல்லாவில், அவ்வப்போது கருத்து வேறுபாடுகள் ஏற்படும்போது கூட இரு சாராருடனும் இன்முகத்தோடு பேசிப் பழகி, உளத்தூய்மையுடன் செயல்பட்டு வந்தவர். அப்படியெல்லாம் செயல்பட வேண்டுமெனில் மனம் அந்தளவுக்கு பக்குவப்பட வேண்டும். அது ஒன்றும் எளிதல்ல.

ஒரு மனிதப்புனிதர் இன்று நம்மைவிட்டும் சென்றுவிட்டார்கள். நாம் அவர்களைப் பின்தொடரவிருக்கிறோம்.

எல்லாம்வல்ல அல்லாஹ் மர்ஹூம் அவர்களுக்கு மேலான ஜன்னத்துல் ஃபிர்தவ்ஸை நற்கூலியாக வழங்கி, நபிமார்கள், ஸித்தீக்கீன்கள், ஷுஹதாக்கள், ஸாலிஹீன்களோடு சேர்த்து வைப்பானாக.

அன்னாரின் பிரிவால் துயருற்றிருக்கும் குடும்பத்தார் அனைவருக்கும் நல்ல பொறுமையைத் தந்தருள்வானாக.

நண்பன் எஸ்.கே.ஸாலிஹ் உடைய ஆதங்கம் அனைவரும் அவசியம் கவனத்தில் கொள்ள வேண்டியது.

KEPA செய்து வரும் பணிகள், ஏதோ அதன் நிர்வாகிகள் இல்லத்து குமர்களை கரை சேர்ப்பதற்காக அல்ல! நம் நலன், நம் வருங்கால சந்ததியின் நலனைப் பாதுகாப்பதற்காக, மிகுந்த எச்சரிக்கையோடும், பல்வேறு சோதனைகளுக்கிடையிலும் இயங்கி வருகிறார்கள்.

அவர்களோடு கைகோர்த்து செயல்பட வேண்டியது விவரமறிந்த ஒவ்வொருவரின் கடமை என்பதை நான் உட்பட யாரும் மறந்து விடக்கூடாது. அவ்வாறு நாம் கடமையை மறந்திருந்தால், கடமையைச் செய்தவர்கள் அல்லாஹ்விடம் விடை சொல்லி தப்பித்துக்கொள்வார்கள். செய்யாதவர்களிடம் என்ன விடை உள்ளது?

நல்ல நல்ல உயிர்களெல்லாம் இந்தக் கொடிய உயிர்க்கொல்லி நோயால் பிரிந்துகொண்டிருப்பது எல்லா பகுதிகளிலும் நடந்தும் கூட நமக்கு ஏன் அந்த உணர்வு இன்னும் வலுப்பெறவில்லை?

நடத்தப்பட்ட மனித சங்கிலி போராட்டம் நமதூரில் இதுவரை நடந்த போராட்டங்களிலேயே ஒரு சாதனைதான்! ஆனாலும், ஊரில் இருக்கும் நம் மக்கள் அனைவரும் இதற்கு முழு அளவில் முக்கியத்துவம் அளித்திருக்க வேண்டும்.

இனியேனும் விழித்தெழுவோம்! பொதுநலனுக்காக அல்ல!! நம் சுயநலனுக்காகவாவது!!!