IP: 180.*.*.* India

புற்று நோய் தாக்குதல் இல்லாத கடலோர கிராமமே இல்லை என்ற மோசமான நிலைமைக்கு இன்று தமிழ் நாடு வந்துவிட்டது. இது பற்றிய விரிவான செய்தித் தொகுப்பை ஒரு தமிழ் தொலைக்காட்சி பல மாதங்களுக்கு முன்னர் மனதை உருக்கும் விதமாக காட்சி வெளியிட்டது. ஆயினும் அரசு தரப்பில் இருந்து எந்த முயற்சியும் எடுத்ததாக தெரியவில்லை. மேலும் மேலும் அணு மின் நிலையங்களும், அனல் மின் நிலையங்களும், இரசாயன தொழிற்சாலைக்கு விரிவாக்கமும், அதன் அமில கழிவை ஆற்று நீரோடையில் கலப்பதும் தான் பரிசாக கிடைக்கின்றன... பலகீனமான மீன்பிடி கடலோடிகள் மற்றும் கடலோர கிராம மக்கள் என்னதான் செய்வர்..? சாபத்தை தவிர வேறில்லை..!

சின்னஞ்சிறார்கள் முதல் பெரியவர்கள் வரை புற்றுக்கு மடிவது மிகவும் வருத்தமளிகிறது. இந்நிலை நீடித்தால் இப்பகுதி நமது மக்களை நாம் இழக்கும் அபாயம் இருக்கிறது. இத்தனை காலம் தமிழக ஊடகங்களும் - ஆட்சியாளர்களும் இதனை அறியாமலா இருந்திருக்கிறார்கள்..? (உள்ளதை உள்ளபடி உண்மையாக இச்செய்தியை வெளியிட்ட ஹிந்துவின் எழுத்தாளர் சமஸ் அவர்களுக்கு நன்றி) அரசு இதுவரை கவனிக்காமல் மவுனம் காத்து வருவது வேதனையான விஷயம்..! இனிமேலாவது அரசு இதற்கு துரித நடவடிக்கை எடுத்து நீர் - நிலம் - வளம் - மக்கள் நலன் காக்க வேண்டும்.

துயரங்களை அலட்சியம் செய்கின்ற அரசு அதிகாரிகள் மற்றும் இரசாயன ஆலைகள் மீது ஆளும் அரசு தக்க நடவடிக்கை எடுக்க வேண்டும்..

நாதியற்றுக் கிடக்கும் மக்களின் துயர குரலை வெளிக்கொண்டு வந்த எழுத்தாளர் சமஸ் அவர்களுக்கு மீண்டும் நன்றியுடன் வாழ்த்துக்கள்.