IP: 180.*.*.* India

இலங்கையில் ஓடும் கடிகாரங்கள் வித்தியாசமான சத்தத்தை எழுப்புகின்றன. டிக் ...டிக்..டிக் ..என்று ஒன்றும் திக் ..திக் ...திக் என்று ஒன்றும் ஓசை எழுப்புகிறது. இதயங்கள் எழுப்பும் ஓசை இது. மஹிந்த ராஜபக்சே - மைத்திரிபால சிறிசேன.... ஜனநாயகத்தின் மதிப்பு மகிமை விளங்கும் நேரம் இது. ஷாஹ்ஜஹான் அவர்கள் கட்டுரையை ரசிக்க கூடிய மூடில் மக்கள் இல்லை.

தமிழ் ஈழம் கேட்டு புலம்பும் தமிழக அரசியல்வாதிகளுக்கு இந்த மரண ஓலமும் தெரியாது....மன ஓட்டமும் புரியாது. அவர்களுக்கு தொப்புள் கொடி உறவு தாலிக் கொடி உறவு வசனங்கள் பேசி அரசியல் செய்வதுதான் வாடிக்கை.

தமிழன் என்றால் அது இந்துக்கள் மட்டும்தான் அதுவும் வடமாகாண கிழக்கு மாகாணத்தில் வாழ்பவர்களை பற்றிதான் கவலை, முதலைக் கண்ணீர் விடுகிறார்கள். மலையக தமிழர்கள்தான் உண்மையான தொப்புள் கொடி உறவு. அவர்களின் நிலை பற்றி இவர்களுக்கு பால பாடம் கூட தெரியாது.

அந்த நாட்டில் வாழும் முஸ்லிம்கள் அவர்கள் எந்த பகுதியில் வாழ்ந்தாலும் அவர்களை பிரபாகரன் கொன்று குவித்தாலும் ராஜபக்சே கழுவில் ஏற்றினாலும் அதை பற்றி அவர்களுக்கு கவலை இல்லை. கவலைப் படுவதெல்லாம் நம்மைப் போல் இலங்கையில் சிங்களவர்களுடன் ஒன்றாக பழகி அண்ணன் தம்பிகளாக வாழ்ந்து - நம்மை எல்லாம் முதலாளி என்று அவர்கள் வாய் நிறையக் கூப்பிட்டு உறவுகளுடன் கலந்து நின்றார்களே அந்த நாட்கள் காணாமல் போய் விட்டதே...

அந்த நாள் நெஞ்சிலே ஞாபகம் வந்ததே நண்பனே..
இந்த நாள் அன்று போல் இல்லையே
அது ஏன் ஏன் நண்பனே... மனம் கனக்கிறது.

மகிந்த வென்றாலும் மைத்திரி வென்றாலும் பழைய குருடி கதவை திறடி என்ற நிலை மீண்டும் இலங்கையில் வந்தால் - யாருக்கு லாபம். பஞ்சின் மேல் நெருப்பு விழுந்தாலும் நெருப்பின் மேல் பஞ்சு விழுந்தாலும் ஆபத்து பஞ்சுக்குதான். இரண்டு நெருப்பில் எது சூடில்லாதது.. எது குளிரானது... அரசு ஆரூடம் சொல்லும் ஷஹ்ஜஹான் சொல்வாரா... அல்லது இன்று இரவு வரை முடிவுக்கு காத்திருப்போமா