IP: 180.*.*.* India

தாய்மா என நாங்கள் அன்பாய் அழைக்கும் சுல்தான் பீவி மாமி அவர்கள் குணத்தால் வெள்ளந்தியானவர். தவறு செய்யத் தெரியாதவர். உறவுகளை ஒட்டி வாழ்ந்தவர். வலியச் சென்று உறவுகளைப் புதுப்பித்துக் கொண்டவர்கள்.

தன்னாலியன்ற உழைப்பை அனைவருக்கும் பிரதிபலன் எதிர்பாராமல் வழங்கியவர்.

என் மாமா கத்தீப் மவ்லவீ எச்.ஏ.அஹ்மத் அப்துல் காதிர் ஆலிம் மஹ்ழரீ அவர்களின் தாயார் தாஹா பெருமாவுடன் (அப்படித்தான் என் தாயார் அழைப்பார்... அதுவே எங்களுக்கும் பழகிப் போனது!) தாய்மா அவர்கள் உரையாடுவதைக் கேட்டவர்கள் கொடுத்து வைத்தவர்கள்.

சிறிதளவு காது கேட்புத் திறன் குறைந்த தாஹா பெருமாவிடம் பேசுவதற்காக, கட்டிடமே அதிரும் அளவுக்குக் குரலெழுப்பும் தாய்மாவின் உரையாடல்களை நாங்கள் வெளியிலிருந்து விளையாடிக்கொண்டே கேட்டுக்கொண்டிருப்போம். தாய்மாவின் கணவர் இத்ரீஸ் அப்பா, தாஹா பெருமா ஆகியோரின் மறைவுக்குப் பின்னர் இவர்கள் குரலெழுப்பிப் பேசுவதும் மறைந்தே போனது.

தாய்மா அவர்கள் தம் வாழ்நாளில் அறிந்தோ, அறியாமலோ செய்த பாவப்பிழைகள் அனைத்தையும் கருணையுள்ள அல்லாஹ் தன் அளப்பெரும் கிருபை கொண்டு பொறுத்தருளி, ஜன்னத்துல் ஃபிர்தவ்ஸ் எனும் உயர்சுவனத்தில், நபிமார் - ஸித்தீக்கீன் - ஷுஹதா - ஸாலிஹீனுடன் இணைந்திருக்கும் பாக்கியத்தை நற்கூலியாக வழங்கியருள்வானாக...

அன்னாரின் பிரிவால் துயருற்றிருக்கும் - அவர்களது குடும்பத்தார் அனைவருக்கும் அல்லாஹ் ‘ஸப்ரன் ஜமீலா’ எனும் அழகிய பொறுமையை வழங்கியருள்வானாக... ஆமீன்.

அனைவருக்கும் அஸ்ஸலாமு அலைக்கும் வரஹ்மத்துல்லாஹி வபரக்காதுஹ்.

துஆக்களுடன்,
எஸ்.கே.ஸாலிஹ்