IP: 180.*.*.* India

படத்தில் காணும் இதே மலர்ந்த முகத்தை - எவ்வளவு இறுக்கமான காலகட்டத்திலும் கூட காண இயலும்.

கோமான் மொட்டையார் பள்ளியிலோ அல்லது தெருவிலோ இவர்களைக் காணும்போதெல்லாம், என் தந்தை மர்ஹூம் எஸ்.கே.ஷாஹுல் ஹமீத் அவர்களுடன் புதுடில்லியில் கழித்த நாட்கள் பற்றிய அனுபவங்களை சில நிமிடங்களேனும் சிரித்த முகத்துடன் என்னிடம் பகிர்ந்துகொள்வார்கள்.

எந்தப் பதவிக்கும் எளிதில் ஆசைப்படாதவர். பதவியில்லாவிட்டாலும் பணிவோடு காரியங்களைச் செய்தவர். எல்லோருடனும் என்றென்றும் மலர்ந்த முகத்துடன் பழகியவர்.

வல்ல அல்லாஹ்வின் கட்டளைக்கிணங்க அவர்கள் தமது இவ்வுலக வாழ்வை முடித்துக்கொண்டார்கள். மாமா அவர்கள் தம் வாழ்நாளில் அறிந்தோ, அறியாமலோ செய்த பாவப்பிழைகள் அனைத்தையும் கருணையுள்ள அல்லாஹ் தன் அளப்பெரும் கிருபை கொண்டு பொறுத்தருளி, ஜன்னத்துல் ஃபிர்தவ்ஸ் எனும் உயர்சுவனத்தில், நபிமார் - ஸித்தீக்கீன் - ஷுஹதா - ஸாலிஹீனுடன் இணைந்திருக்கும் பாக்கியத்தை நற்கூலியாக வழங்கியருள்வானாக...

அன்னாரின் பிரிவால் துயருற்றிருக்கும் - அவர்களது குடும்பத்தார் அனைவருக்கும் அல்லாஹ் ‘ஸப்ரன் ஜமீலா’ எனும் அழகிய பொறுமையை வழங்கியருள்வானாக... ஆமீன்.

அனைவருக்கும் அஸ்ஸலாமு அலைக்கும் வரஹ்மத்துல்லாஹி வபரக்காதுஹ்.

துஆக்களுடன்,
எஸ்.கே.ஸாலிஹ்
மற்றும்
மர்ஹூம் எஸ்.கே.ஷாஹுல் ஹமீத் குடும்பத்தார்
கொச்சியார் தெரு, காயல்பட்டினம்.