IP: 159.*.*.* Saudi Arabia

அஸ்ஸலாமு அலைக்கும் (வரஹ்).

இலஞ்சம் வாங்குவதும் , கொடுப்பதும் குற்றமே! அதிலே மாற்றுக்கருத்து நமக்கில்லை.

இலஞ்சம் வாங்குவதற்கும் , கொடுப்பதற்கும் யார் உதவினாலும் குற்றம்தான் என்பதை மறுப்பதற்கில்லை.

----------------------------------------

இந்த வழக்கிலே சிக்கி இருக்கும் தலைவி இலஞ்சம் வாங்கினாரா? இல்லையா? என்பது கேள்விக்குறி!.

ஆனால் ஒன்றுமட்டும் அறியமுடிகிறது – இவர் தலைவியாக வர உதவியவருக்கு உள்கட்சித் தேர்தலில் எதிராக இல்லாமல் இருந்திருந்தால் இந்த ஊழல் மறைக்கப்பட்டேயிருக்கும் இன்னும் சில காலம்.

எது எப்படியோ! யார் என்ன தவறு செய்தாலும் அந்த தவறு ஒருநாள் வெளிவந்தே தீரும் – அப்போதுதானே நல்லவர்கள் நல்லவர்களாக வாழமுடியும் – அல்லது அவர்களும் கெட்டு குட்டிச்சுவராகி விடுவார்களே!

------------------------------------------

சாலையை அரைகுறையாக போட்டு பொதுமக்கள், ஒப்பந்தக்காரர்கள், அரசு அதிகாரிகள் என்று நூற்றுக்காணவர்ளுக்கு பதில் சொல்வதைவிட சாலையை போடாமல் நான்கு சுவர்களுக்குள் – நான்கு பேர் மட்டுமறிய மோசடி வேலையை செய்வதுதான் இன்றைய ஃபேஷன்.

வழக்கு அது, இது என்று எது வந்தாலும் எப்படி வந்தாலும் அதை சமாளித்துக்கொள்ளலாம் – அரசும், அதிகாரியும் அதைத்தான் விரும்புவார்கள் - சட்டத்திலும் தப்பித்து வர ஓட்டைகள் அதிகமிருக்கும்.

------------------------------------------------

ஒரு வேலையை செய்து இலஞ்சம் பெறுவதைவிட - இந்த மாதிரி செய்யாத ஒரு வேலையை செய்ததாக காட்டி மோசடி செய்வதில்தான் சிக்கலும், சிறமமும் குறைவு – இலாபமும் , பாவமும் அதிகம்.

நமது மண்டலத்தில் நமக்கு தெரிந்து வெளிச்சமாகி இருப்பது இது மட்டுமதான் – தெரியாமல் மறைந்து கிடப்பது விரைவில் வெளியாக இருப்பது விரல்விட்டு எண்ணமுடியாதுங்கோ! அதில் நம்ம ஊர் நகராட்சியும் தப்பவில்லை என்றே அறிய முடிகிறது!!.

அங்கே நேர்மையானவர்களும் இருக்கிறார்களாம் – அடிபட்டு திருந்தியவர்களும் உண்டாம்.

------------------------------------------------

நமது நகராட்சியானாலும் பிற நகராட்சியானாலும் சரி மக்கள் பிரதிநிதிகள் தூய்மையானவர்களாக, திறமையானவர்களாக அமைந்துவிட்டால் எந்த மோசடியும் நடைபெறாது – எந்த ஊழலும் தலை தூக்காது.

அடுத்து அமையக்கூடிய நமது நகர்மன்றத்தில் திறமையானவர்களும் , தியாகம் செய்யக்கூடியவர்களும் நிறைந்திருக்க இறைவன் அருள் செய்வானாக ஆமீன்.

வஸ்ஸலாம்.

N.S.E.மஹ்மூது , ரியாது – சவுதி அரேபியா