IP: 106.*.*.* India

செய்யிது அஹ்மது பதவி ஆலிமின் மரணம் மனதில் மாறாத ரணத்தை ஏற்படுத்தி விட்டது . அல்லாஹ் அவரின் சிறு பெரு குற்றங்களை மன்னிப்பானாக, அவர் சிறந்த ஹாபிழ், ஆலிம், குர்ஆனில் அதிக ஈடுபாடு கொண்டவர், வலிமார்களுக்கே உரிய தன்மையான தனிமையை விரும்பக்கூடியவர்,

ஆண்ட்ராய்டு மொபைல்கள் சர்வ சாதாரணமாகி விட்ட இந்த காலத்தில் அவரை இன்னார் என்று அடையாளம் காட்ட ஒரு தனி போட்டோ கூட கிடைக்கவில்லை என்றால் பார்த்துக் கொள்ளுங்கள். இந்த அளவு ஒருவர் சம காலத்தில் வாழ்ந்தார் என்றால் நம்ப முடிகிறதா ? பிரபல்யம் விரும்பாதவர் , இப்படி ஒரு பெயரில் ஒரு ஆலிம் நம் ஊரில் இருந்தார் என்பதே நம் ஊரில் பலருக்கு இப்போது தான் தெரிந்திருக்கும். இது வலிமார்களின் தன்மை, வலிமார்கள் வாழும் காலத்தில் தன்னை மறைத்து வாழ்வார்கள் , அவர்கள் மறைந்த பின் அல்லாஹ் அவர்களை வெளிப்படுத்துவான் .

பிள்ளைகளுக்கு வைக்கப்படும் பெயர்களைக் கொண்டும் அந்த பிள்ளைகளுக்கு அதன் தாக்கம் அமையும் என்பது ஹதீஸின் கருத்து. செய்யிது அஹ்மது பதவி என்பது ஒரு மகானின் பெயர் , இந்த பெயர் நம் ஊரில் வேறு யாருக்கும் இருப்பதாக தெரியவில்லை. அந்த அழகான பெயரை சூட்டிய இவர்களின் தந்தை அவர்களும் பெரிய சூபியாகத் தான் வாழ்ந்தார்கள் .

வல்ல அல்லாஹ் இவர்களின் மண்ணறைகளை ஒளிவால் அமைப்பானாக.

இவர்களை பிரிந்து வாழும் குடும்பத்தாருக்கு அல்லாஹ் அழகிய பொறுமையை வழங்குவானாக . ஆமீன்.