IP: 163.*.*.* Japan

காயல்பட்டினத்தில் ஒரு கூட்டம். ஹாமித் பக்ரி ஆலிம் அவர்களின் மறுபிரவேசம் - இஸ்லாத்தை அதன் தூய வடிவில் தருகிறோம் என்று மக்களை மறுமலர்ச்சியின் பக்கம் அழைத்த ஒரு இயக்கத்தின் பிதாமகனுடன் கைகோர்த்து சென்ற எனது இனிய மருமகன், மில்டன் அவர்கள் எழுதிய PARADISE REGAINED என்ற கவிதைக்கு உயிரூட்டி அந்த மாயையில் இருந்து விடுபட்டு ஐக்கிய சமாதான பேரவையின் நிறுவனராக களம் இறங்கிய நாட்கள் அவை. பழ கருப்பையா அவர்கள் அன்றைய கூட்டத்தில் சிறப்பு பேச்சாளராக கலந்து கொண்டு ஆற்றிய உரைகள் இன்னும் நினைவில் இருக்கிறது.

இவர் ஏன் இன்னும் இஸ்லாத்தை தன் வாழ்வியலாக ஏற்றுக் கொள்ள தயங்குகிறார் என்று எண்ணும் அளவுக்கு இஸ்லாமிய விழுமியங்களை மிக நேர்த்தியாக எடுத்துரைத்தார். அவர் இன்று துக்ளக் விழாவில் பேசிய பேச்சுக்கள் எல்லாமே நிதர்சன உண்மைகளை வெளிச்சத்துக்கு கொண்டு வந்துள்ளது. இவர் அனைத்திந்திய அண்ணா திராவிட முன்னேற்ற கழகத்தில் மட்டுமல்ல இனி எந்த கட்சியிலும் இனைந்து பணியாற்ற முடியாது. அவர் சொல்லும் இலக்கணங்களை உள்வாங்காத கட்சி எதுவுமே இன்று தமிழகத்தில் இல்லை.'' நீரே அழுக்கு''.

மங்கை சூதகமானால் கங்கையில் நீராடலாம். கங்கையே சூதகமானால் எங்கே நீராடுவது?

கங்கையே சூதகமாகி உள்ளது. எல்லா கட்சிகளும் இயக்கங்களும் இந்த லட்சணத்தில்தான் இருக்கின்றன. சகாயம் ஒரு தனி கட்சி ஆரம்பித்தால் அதில் இவர் சேரலாமே தவிர காங்கிரஸ் கட்சியும் காவி கட்சியும் கூட இவரை ஏற்றுக் கொள்ளாது.

''மூடு டாஸ்மாக்கை மூடு'' என்றால் அப்படி சொல்பவனை தேச துரோக வழக்கில் கைது செய்யும் நாடு இது. ''பட்டத்து யானை பவனி வரும்போது எறும்புகள் சாவதை தடுக்க முடியுமா'' என்று கேட்டால் அவரை கட்சி பதவியில் இருந்து நீக்கும் காலம் இது. ''எல்லோரும் ஒன்று பட்டு இந்த ஆட்சியை மாற்றுங்கள் என்று சொல்லும்போது கூடவே என்னை முதல்வராக்குங்கள்'' என்று முழங்கும் தலைவர்கள் உள்ள நாடு இது. இன்னும் எத்தனை காலம் உண்மைகளை வெளியில் சொல்ல முடியாமல் மௌனியாக இருக்க முடியும் .

பேசாமல் இருந்தோமா அம்மா புகழ் பாடினோமா ஒரு இன்னோவா காரில் பயனித்தோமா நிம்மதியாக வாழ்கையை ஓட்டினோமா - ஒரு வாழ்நாள் சாதனையாளர் விருதை வாங்கினோமா என்று இல்லாமல் தனது வாழ்வின் பிந்திய காலங்களை இப்படி கழிக்க எப்படி அவருக்கு மனது வந்தது. பேச வேண்டிய நேரத்தில் பேசாமல் வாய் மூடி மௌனியாக இருப்பதும் பேசக் கூடாத நேரத்தில் எதையாவது பேசி மாட்டிக் கொள்வதும் பழ கருப்பையா போன்றவர்களின் வழக்கம்.மக்கள் இன்னும் முதிர்ச்சி அடைய வில்லை என்பதை அவர் அறியவில்லை போலும். இலவசங்கள் ஆளும் நாட்டில் இவர் விலாசங்களை இழந்து விடுவார்.

பாவம் பழ கருப்பையா - இவர் ஒரு பழைய கருப்பையா .