IP: 64.*.*.* United States

ஆம், எல்லாவரும் தகுதியானவர்களே,

உலக காயல் நல மன்றங்களிலேயே முற்றிலும் வித்தியாசமான ஒரு நல மன்றமே Malabar Kayal Welfare Association (MKWA)மக்வா!

எந்த இழி சொல்லும் வந்து விட கூடாது என்பதற்காகவே உறுப்பினர்கள் சேர்ந்து செயற்குழு உறுபினர்களை தேர்ந்தெடுக்கும் திட்டத்தை அறிமுகபடுத்தியது மக்வா!

குறிப்பிட்ட ஒரு மதத்தவர்கள் அதிகமாக கூடி விட்டாலே அது தீவிரவாதம் தானோ என்று சிலர் யோசிக்கின்ற காலத்தில், நம்மவர்களும் பயந்து பயந்து இருந்த நேரத்தில், நாம் நன்மைக்காக வேண்டி மதம், சாதிகள் கடந்து "ஊர் மக்கள்" என்ற அடிப்படையில் தான் ஒன்று சேர்ந்துள்ளோம், என்பதை பற்றி ஆரம்ப கால உறுப்பினர்கள் மத்தியில் விளக்கமாக எடுத்துரைத்து, அவர்களின் அச்சப்பாடுகளை துவக்கத்திலேயே களைந்து, எந்த சட்ட பிரச்சினையும் அரசு தரப்பில் இருந்து வந்து விடக்கூடாது என்பதற்காக முறைப்படி அரசுப் பதிவும் செய்து, பதிவு எண்ணையும் பெற்றது மக்வா !

தேர்தல் மூலம் தான் என்றாலும் எப்பவும் ஒரே கமிட்டியே வந்து விடக் கூடாது, அப்படி வந்தால் அதுவும் ஒரு ஆதிக்க சக்தியாக ஆகிவிடும், மக்வா என்றாலே இன்ன இன்னவர்கள் தான் என்ற எண்ணம் உலக காயல் நல மன்றங்கள் மத்தியிலும், இணைய தள நண்பர்கள் மத்தியிலும், குறிப்பாக பொதுமக்கள் மத்தியிலும் ஏற்பட்டு விடக்கூடாது, அதன் மூலம் ஒரு பெறுமையும் வரக்கூடாது என்பதற்காகவும், நாம் நின்றால் நம்மையே உறுப்பினர்கள் தேர்ந்தெடுத்து விடக்கூடும் என்று எண்ணி கடந்த தேர்தலிலும், நடக்கவுள்ள தேர்தலிலும் நாம் வேட்பாளராக வேட்புமனு தாக்கல் செய்யவில்லை.

நம்முடைய ஹாஜத்தெல்லாம் நாம் மேற்கூறிய அடிப்படையில் "ஊர் மக்கள்" என்ற அடிப்படையில் புதுசு புதுசாக மக்வாவில் சேரும் புதிய உறுப்பினர்கள் வரைக்கும் எல்லா வரும் ஒரு முறையாவது பொறுப்பில் வர வேண்டும் என்பதே ஆகும்.

அதற்காக வேண்டி இப்போது நடக்கவுள்ள தேர்தலில் நிறைய நல்ல உள்ளங்கள் (கடந்த தேர்தலில் தேர்ந்தெடுக்கப்பட்டவர்கள்) வேட்புமனு கொடுக்க வில்லை. அவர்களை நான் மனமாற பாராட்டுகிறேன். அவர்கள் இப்போது தேர்தலில் போட்டியிட்டால் கூட நிச்சயம் அவர்களே தான் வருவார்கள் என்பதில் யாருக்கும் மாற்று கருத்து இல்லை. இவர்களின் இந்த வழியை பின்பற்றி பழையவர்கள் ஒரு தடவை பொருப்புகளில் இருந்தோமா, அல்ஹம்துலில்லாஹ் இனி புதியவர்களுக்கு வழி மாறி கொடுப்போம் என்ற உயர்ந்த எண்ணத்தை கை கொண்டிருந்தால், மனு வாபஸ் பெறும் நாளில் வேட்புமனு கொடுத்த பல புதியவர்களும் வேட்பு மனுவை வாபஸ் வாங்காமல் தேர்தலை எதிர் கொண்டு பொருப்பில் வருவதற்கு வாய்ப்பாக அமைந்து அவர்களின் திறமையின் கீழும் ஒரு முறை நிர்வாகம் நடந்திருக்க வாய்ப்பு இருந்தது.

இன்ஷா அல்லாஹ் இனிவரும் காலங்களிலாவது பழையவர்கள் புதியவர்களுக்கு வழி விடுவார்கள் என நம்புவோம், அதற்கு இறைவன் நாடுவானாக.

அன்புடன்,
ஹைதுரூஸ்ஆதில்,
MKWA வின் நிறுவன செயலாளர்.