IP: 180.*.*.* India

தன் வாழ்நாளெல்லாம் - இறைவனைப் புகழ்ந்தும் - துதித்தும், இறையடியார்களைப் புகழ்ந்தும், ஏதாவது ஓதிக்கொண்டே இருப்பார்கள்.

உணவு, உறக்கம், கழிப்பறை செல்லல் தவிர்த்து அவர்கள் கொண்டிருந்த ஒரே தொடர்பழக்கம் - துதிப்பது மட்டும்தான்!

தன் வீட்டுத் திண்ணையில் அமர்ந்தவாறு வாய்விட்டு ஓதிக்கொண்டிருப்பார்கள். அந்நேரத்தில், யாராவது அவர்களது வீட்டு வாசலைத் தாண்டிச் சென்றால் - அவர்கள் யாரென அடையாளம் காண இயலாத அளவுக்கு பார்வை பலவீனப்பட்ட நிலையிலும் - பூனைக் காது என்பார்களே அது போல, நடப்பவரின் காலடி ஓசையை வைத்தே - “புள்ளே... யாரோ போறாங்களே...? அது யாரு?” என்று கேட்டு விடுவார்கள். அவ்வாறு குறுக்கே சென்றவர் அறிமுகமானவராக இருந்தால், அவர் சொல்லும் ஒரு ஸலாமை வைத்து, அவரது குரலை அடையாளங்கண்டு, “நீ இன்னார்தானே...?” என்று கேட்டு விடுவார்கள்.

தன் முதுமைப் பருவத்திலும் சுத்தமாக இருந்தவர்கள். தன் குடும்பத்தாருக்குக் கூட தான் பலுவாக இருக்க ஒருபோதும் நினைத்திராதவர்கள்.

பொதுச் சேவைகளில் ஈடுபடும் தன் மக்களை - நமதூரின் வழமையான தாய்மாரைப் போல, “உனக்கு எதுக்குடா அந்த வேலையெல்லாம்...?” என்று கேட்காமல், முகமலர்ச்சியுடன் அனுப்பி வைப்பார்கள்.

என் குரல் கேட்டால், என்னை அழைத்து அருகில் வைத்துக்கொண்டு - சில நிமிடங்களாவது உரையாடாமல் அனுப்ப மாட்டார்கள்.

வல்ல அல்லாஹ்வின் கட்டளைக்கிணங்க மர்ஹூமா அவர்கள் தமது இவ்வுலக வாழ்வை முடித்துக்கொண்டார்கள்.

அவர்கள் தம் வாழ்நாளில் அறிந்தோ, அறியாமலோ செய்த பாவப்பிழைகள் அனைத்தையும் கருணையுள்ள அல்லாஹ் தன் அளப்பெரும் கிருபை கொண்டு பொறுத்தருளி, ஜன்னத்துல் ஃபிர்தவ்ஸ் எனும் உயர்சுவனத்தில், நபிமார் - ஸித்தீக்கீன் - ஷுஹதா - ஸாலிஹீனுடன் இணைந்திருக்கும் பாக்கியத்தை நற்கூலியாக வழங்கியருள்வானாக...

அவர்களது பிரிவால் துயருற்றிருக்கும் - அவர்களது அன்பு மக்கள் முஹ்யித்தீன் காக்கா, புகாரீ காக்கா, யஃகூப் காக்கா, நுஸ்கீ காக்கா, முத்து மர்யம் மச்சி, ஆமினா மச்சி, கதீஜத் மச்சி உள்ளிட்ட குடும்பத்தார் யாவருக்கும் அல்லாஹ் ‘ஸப்ரன் ஜமீலா’ எனும் அழகிய பொறுமையை வழங்கியருள்வானாக... ஆமீன்.

அனைவருக்கும் அஸ்ஸலாமு அலைக்கும் வரஹ்மத்துல்லாஹி வபரக்காதுஹ்.

துஆக்களுடன்,
எஸ்.கே.ஸாலிஹ்
மற்றும்
மர்ஹூம் எஸ்.கே.ஷாஹுல் ஹமீத் குடும்பத்தார்
கொச்சியார் தெரு, காயல்பட்டினம்.