IP: 122.*.*.* India

இன்னா லில்லாஹி வ இன்னா இலைஹி ராஜிஊன்.

ஊருக்கு மிக குறைவாக வருவதால் சில முக்கிய உறவுகளை அவ்வப்போது சந்திக்கும் பாக்கியம் கைநழுவித்தான் போகிறது.

மறைந்த மூதாட்டியின் வீட்டிற்கு என் சிறு வயதில் அதிகமாக விஜயம் செய்தவன் நான். ஆதி முதல் அந்தம் வரை ஒவ்வொரு உறுப்பினரும் புன்முறுவலுடன் எம்மை வரவேற்பதில் (மர்ஹூமா வீட்டாரை) பிறரால் விஞ்ச முடியுமா என தெரியவில்லை.

எந்நேரமும் அல்லாஹ்வை துதிபாடும் நாவுகளும் பிள்ளைகளை உருவாக்கும் தாய்க்குலங்களும் கொஞ்சம் கொஞ்சமாக நம்மைவிட்டு விடைபெறுவதை உண்மையிலேயே நாம் உணர்கிறோமா எனத் தெரியவில்லை.

நாட்டு நடப்பிற்கும் உலக தேடுதலுக்கு கணக்கிலடங்கா நேரத்தை செலவிடும் நாம் மிகுந்த மார்க்கப்பற்றும் ஒழுக்கமும் நற்பண்புகளும் இறை உவப்புள்ள வாழ்க்கையும் வாழும் சமூகத்தை உருவாக்குவதிலிருந்து கொஞ்சம் கொஞ்சமாக (அல்லது வேக வேகமாக) விலகிக்கொண்டிருக்கிறோம் என்பதை நினைக்கும் போது நெஞ்சு வலிக்கிறது.

தம் மக்களிடமும் சந்ததிகளிடமும் இறைநெறிகளையும் ஒழுக்க விழுமியங்களையும் விதைத்தவர்களான மர்ஹூமா போன்ற மாதரசிகள் உலகைவிட்டும் விடைபெறும் நேரத்தில் உலக கல்வியிலும் உலகத்தை நேசிப்பதிலும் செலுத்தும் கால அளவு மார்க்கத்திற்கு நாம் செலுத்துவதில்லையே. அவர்கள் விட்டுவிட்டுப் போன இடத்தை எப்படி நிரப்ப போகிறோம்?

ஈஸா லெப்பை மாமா என்ற உயர் மனிதரின் பாசமிகு மனைவியாக வாழ்ந்த மர்ஹூமா அவர்கள் கணவர் ஊருக்கு சேவை செய்பவராக இருந்த காலத்திலெல்லாம் அதிலேற்பட்ட சில கஷ்டங்களை புன்னகையுடன் சமாளித்து மார்க்க்கப்பற்றுள்ள நல்லதொரு மக்கட்செல்வத்தை உருவாக்கினார் என்பதை அவர்களின் பிள்ளைகள் ஒவ்வொருவரையும் பார்த்தாலே விளங்கமுடியும்.

மாண்பாளன் அல்லாஹ் மறைந்த மர்ஹூமாவின் பாவப்பிழைகள் யாவற்றையும் பொறுத்தருளி அவரது மண்ணரை வாழ்வை ஒளிமயமாக்கி மேலான சுவனபதியில் அன்னாரை புகுத்துவானாக.

அவரது பிரிவால் துயருற்றிருக்கும் பாசமுள்ள முஹ்யித்தீன் காக்கா, புஹாரி காக்கா, யாகூப், அன்பு நண்பன் நுஸ்கி, மற்றும் பாசமிகு பெண்மக்கள், மற்றும் குடும்பத்திலுள்ள அனைவருக்கும் சப்ரன் ஜமீலாவை தருவானாக. ஆமீன்.

மர்ஹூமாவின் குடும்பத்தில் ஒருவனான,
எஸ்.கே.ஷமீமுல் இஸ்லாம்.