IP: 118.*.*.* China

காயல்பட்டினம் சொளுக்கார் தெருவைச் சேர்ந்த எனது பாசத்திற்குரிய மாமி நஹ்வீ எம்.கே.உம்மு ஹபீபா அவர்களின் வபாத் செய்தி அறிந்து மிகவும் கவலைப் பட்டேன். இன்னா லில்லாஹி வ இன்னா இலைஹி ராஜிஊன் .

மிகச் சிறந்த ஆலிமா மார்க்கச் சட்டங்கள்.நுணுக்கங்கள் குடும்ப பாரம்பரிய செய்திகள் , மலரும் நினைவுகள் இவைகளை நல்ல ஞாபகத்துடனும் ,சிரிப்புடனும் , நகைச்சுவை உணர்வுடனும் சொல்வதில் அவர்களுக்கு நிகர் அவர்களே என வாழ்ந்து காட்டியவர்கள்.

இறைவணக்க வழிபாடுகளில் திக்ர்,சலவாத்து ,மௌலித் ,புர்தா என அனைத்திலும் திறமை பெற்றவர்கள்.

ஒவ்வொரு சபரிலும் அவர்கள் இல்லம் சென்று சந்தித்து உரையாடி விடைபெறும்போது அவர்களின் வாழ்த்துக்களையும் இனிய துஆக்களையும் பெற்றுக் கொள்ள தவறமாட்டேன்.

நமது சொளுக்கார் ,நஹ்வி குடும்பத்தில் ஒரு சிறந்த ஒரு சீதேவியை இழந்து விட்டோம்.

வல்ல அல்லாஹ்வின் கட்டளைக்கிணங்க மர்ஹூமா (மாமி ) அவர்கள் தமது இவ்வுலக வாழ்வை முடித்துக்கொண்டார்கள்.

மர்ஹூமா அவர்கள் நம் வாழ்நாளில் அறிந்தோ, அறியாமலோ செய்த பாவப்பிழைகள் அனைத்தையும் கருணையுள்ள அல்லாஹ் தன் அளப்பெரும் கிருபை கொண்டு பொறுத்தருளி, ஜன்னத்துல் ஃபிர்தவ்ஸ் எனும் உயர்சுவனத்தில், நபிமார் - ஸித்தீக்கீன் - ஷுஹதா - ஸாலிஹீனுடன் இணைந்திருக்கும் பாக்கியத்தை அவர்களுக்கும், நமக்கும் நற்கூலியாக வழங்கியருள்வானாக...

கண்மணி நாயகம் (ஸல்லல்லாஹு அலைஹி வ ஸல்லம் ) அவர்களின் மேலான சபாஅதை பெறவும் அன்னாரோடு ஜன்னத்தில் அசல் பாகத்தில் குடியுருக்க வல்ல நாயன் நல்லருள் புரிவானாக ! ஆமீன்!!!!!

மர்ஹூமா அவர்களது பிரிவால் துயரிலிருக்கும் எனதன்பு குடும்பத்தார் யாவருக்கும் அல்லாஹ் ‘ஸப்ரன் ஜமீலா’ எனும் அழகிய பொறுமையை வழங்கியருள்வானாக... ஆமீன்.

அனைவருக்கும் அஸ்ஸலாமு அலைக்கும் வரஹ்மத்துல்லாஹி வபரக்காதுஹ்.