IP: 163.*.*.* Japan

வெண்தாடி வேந்தர் என்று நான் வாய் நிறைய அழைக்கும் எல் எஸ் இப்ராஹிம் ஹாஜி மாமா அவர்களுக்கு வாழ் நாள் சாதனையாளர் விருது அளித்து கௌவரவிக்க பயின்றோர் பேரவை கூட்டத்தில் அறிவித்திருப்பது பாராட்டுக்குரியது.

''நான் மறைந்த பிறகு எனக்கு ஒரு தாஜ்மஹால் கட்ட வேண்டாம் நான் வாழும் காலத்தில் எனக்கு நிம்மதியாக வாழ்வதற்கு ஒரு குடிசை கட்டி தாருங்கள்'' என்றுஒரு புதுக் கவிதை கூறுகிறது. பெருநாள் தினத்தன்று மாமா அவர்களை சந்தித்துப் பேசும் வாய்ப்பு கிடைத்தது. நலம் விசாரித்துக் கொண்டோம்.

கலைஞர் கருணாநிதி அவர்களை சமீபத்தில் அவரது இல்லத்தில் சந்தித்த புரட்சி புயல் வைக்கோ அவர்கள் சொன்னது ஞாபகத்துக்கு வந்தது. ''உங்கள் காந்தக் குரல் மீண்டும் ஒலிக்கும்'' என்று அவர் சொன்னார். நானும் அதையே மாமா அவர்களிடம் சொன்னேன் சிரித்துக் கொண்டார்கள் து ஆ செய்யும்படி சொன்னார்கள்.

நாட்களை கடத்தாமல் உடனடியாக இந்த விருதை கொடுத்து அவர்களை கௌரவப் படுத்த வேண்டும் என்று எல் கே பள்ளி பயின்றோர் அவை நண்பர்களை கேட்டுக் கொள்கிறேன். ஏற்கனவே தமிழ் மாமணி விருது அளித்து கௌரவப் படுத்தப்பட்டுள்ள அவர்களுக்கு இந்த விருது இன்னொரு மணி மகுடம்.

எத்தனை காலம் மனிதன் வாழ்ந்தான் என்பது கேள்வி இல்லை அவன் எப்படி வாழ்ந்தான் என்பதை நினைத்தால் வாழ்க்கையில் தோல்வி இல்லை

காயல்பட்டினம் வரலாறு எழுதப்படும்போதெல்லாம் எல் எஸ் மாமா அவர்களின் கல்வி சேவை பற்றிய குறிப்புகள் இல்லாமல் அந்த வரலாறு முழுமை பெறாது என்பதை நாம் எல்லோரும் நன்கு அறிந்திருக்கிறோம் . அவர்கள் நலமுடன் வாழ அல்லாஹ்வை பிரார்த்திப்போம்.