IP: 175.*.*.* Sri Lanka

முள்ளில் ரோஜா மலர்ந்ததாலே முள்ளுக்கு என்ன பெருமை....

சிற்பிக்குள்ளே பிறந்ததாலே முத்துக்கு என்ன சிறுமை எங்கே நன்மை எங்கே நல்லது உண்டோ அவற்றை ரசிக்கும் பாராட்டும் தன்மை எல்லோருக்கும் வேண்டும். சுபுஹானி அவர்களின் நிழற்படங்கள் ஒரு திரைக் கதை ஒளிப்பதிவாளரிடம் இருந்தால் இவர் எப்போதே வெளிச்சத்துக்கு வந்திருப்பார்.

சுலைமான் மௌலவி அவர்களும் அப்படித்தான். அவர் ஒரு திருமண நிகழ்ச்சியில் குத்பா ஓத ஆரம்பித்தார்... எங்கேயோ கேட்ட குரல்... சிம்மக் குரல்.... அப்படியே எந்த குறிப்பும் இல்லாமல் அவர் ஓதி முடிக்கும் வரை மெய் சிலிர்த்து இருந்தேன்.

எனக்கு வயதில் குறைந்தவர் என்றாலும் அவர் பெற்றோர் இந்த துறையில் பாண்டித்துவம் எல்லாம் இல்லாதவர்கள் என்றாலும் இவருடைய முன்னேற்றம் மின்னலை போன்று வேகமாக வந்து நம்மை ஒரு கணம் அசத்தி விட்டு போகும் அவரை பேட்டி கண்டு அவரை மனதார வாழ்த்திய போது அவர் என்னிடம் சொன்னார், மிக அவை அடக்கத்துடன்...''உங்கள் எழுத்துக்கள் பேச்சுக்கள் மட்டும் என்ன சாதாரணமானதா... நான் அரபியில் சொல்கிறேன் நீங்கள் தமிழில் சொல்கிறீர்கள்''.என்றார். அட எனக்குள் இப்படி ஒரு பாண்டித்தியம் இருக்கிறதா என்று என்னையே நான் கேட்டுக் கொண்டேன்.

பாராட்டுக்கள் மனிதனுக்கு அவசியம் வேண்டும். அது கிரியா உக்கி CATALYST.என்று ஆங்கிலத்தில் சொல்வார்கள். நாம் தகுதி உள்ளவர்களை அந்த அந்த காலத்தில் பாராட்ட தவறியதால் அவர்கள் சோர்ந்து போய் சமுதாயத்தின் நீரோட்டத்திலிருந்து விலகி இருக்கிறார்கள். நபி தோழர்களை நபிகள் நாயகம் மனதார பாராட்டிய செய்திகள் இஸ்லாமிய நூல்களில் அறியக் கிடைக்கிறது.

எனவே தகுதியானவர்களை பாராட்டுவோம். அவர்களுக்கு விருதுகள் வழங்கி கௌரவிப்போம். அவர்கள் நம்மைவிட வயதில் குறைந்தவர்களாக இருந்தாலும் அவர்களுடைய ஆளுமையை போற்றுவோம். இந்த விருதுகளை பெற்ற சுபுஹான் புகைப் பட கலைஞருக்கும் சுலைமான் ஆலிம் அவர்களுக்கும் எனது இதயம் நிறைந்த வாழ்த்துக்களும் து ஆக்களும்.