IP: 2.*.*.* Saudi Arabia

இதை முதலிலே அமுல்படுத்தி இருக்கலாம் அல்லவா. எவ்வளவு பண விரயம், கால விரயம், மண உளைச்சல்.

அம்மாவின் ஆசையில் சற்று சறுக்கல் வந்து உள்ளது. உண்மையில் அம்மாவின் ஆசையே சமச்சீர் கல்வியை ஒழிப்பது தான்..(ஆனால் சொல்லுவது வேறு...). அது எப்படி கார்பரேசன் பள்ளி மாணவர்களும், சர்ச் பார்க் கான்வென்ட் மாணவர்களும் ஒரே பாடத்தை படிப்பது.. எல்லாம் ராஜாஜி உடைய கல்விக்கொள்கை தான் அம்மாவின் மனதில்..

இதே கொள்கை தான் MGR அவர்களுக்கும் இருந்தது.

- 1960 ஆம் ஆண்டு முதலமைச்சராக இருந்த ஐயா காமராஜர் அவர்கள், ‘ஆண்டு வருமானம் 1200 ரூபாய்க்கு கீழ் இருந்தால் உயர்கல்வி வரை இலவசம்’ என்று அறிவித்தார்.

- பின்பு 1962 இல் அனைவர்களுக்கும் உயர்நிலைப் பள்ளி வரை இலவச கல்வி என்று ஐயா அவர்கள் மாற்றம் செய்து 1978 வரை இதே நிலையே இருந்தது.

கட்டண கல்விமுறையை ஒழித்து, அனைவர்களுக்கும் இலவச கல்வி கொடுத்தது கடமை வீரர் காமராஜ் அவர்கள் தான்.

பின்பு புண்ணியவான் எம்.ஜி.ஆர் அவர்கள் 1978 இல் ஆட்சிக்கு வந்ததும் முதல் வேலையாக, நிரந்தர இரண்டாம் நிலை தலைவராக இருந்த நெடுஞ்செழியன் துணையோடு கமாராஜர் திட்டத்தை ஒழித்தார். மீண்டும் கட்டண கல்வி முறை வந்தது.

சென்ற தலைமுறை தமிழர்களின் தலையில் எம்.ஜி.ஆர் அடித்த ஆப்பு தான், இந்த தலைமுறை வரை தொடர்கிறது. ஆரம்ப கல்வி முதல் உயர்க்கல்வி வரை தீவிர வியாபாரம் ஆனது புண்ணியவான் ஆட்சியில் தான்.

மருத்துவக்கல்லூரி தனியார் மயம் ஆனது (ராமச்சந்திரா மருத்துவ கல்லூரி), பொறியியல் கல்வியை வியாபாரமாக ஆக்கி சூதாட்ட களமாக ஆக்கியது எம்.ஜி.ஆர் அவர்களின் ஆட்சி.

இவரின் காலத்தில் ரவுடியாக இருந்தவர்கள், வாரியத் தலைவராக இருந்தவர்கள், மந்திரிகள் பலர், கல்வித் தந்தையாக உருமாற்றம் செய்யப்பட்டார்கள். உதாரணமாக ஆர்.எம். வீரப்பன், ஏ.சி. சண்முகம், ஐசரி வேலன், ஜி. விஸ்வநாதன், ஜேப்பியார், ஜெகத்ரட்சகன், ராஜா முகம்மது இப்படி ஒரு கும்பலே புறப்பட்டு இன்றுவரை கல்வியை சூதாட்ட களமாக நடத்திக்கொண்டு வருகிறார்கள்.

இதே எம்.ஜி.ஆர் பாணியை, பின்பு வந்த முத்தமிழ் காவலர் கலைஞர் கருணாநிதி அவர்களும் பின்பற்றி வந்தாரே தவிர, கட்டண கல்வி முறையை ஒழிக்க எந்த முயற்சியும் செய்யவில்லை.

இவரின் சகாக்கள் அனைவர்களும் வழமை போல ஆளாளுக்கு என்று பல மருத்துவ கல்லூரி, பொறியியல் கல்லூரி, ஆசிரியர் பயிற்சி கல்லூரி என்று கல்வித்தந்தையாக அவதாரம் எடுத்து நடத்தி வருகிறார்கள்.

(பொன்முடி, எ.வ. வேலு, ரகுபதி, கே.என்.நேரு, துரைமுருகன், வீரப்பாண்டி ஆறுமுகம், M.R.K. பன்னீர் செல்வம், ஆற்காட்டார் குடும்பம், பொங்கலூர் பழனிச்சாமி, ஸ்டாலின் குடும்பம்..அப்பப்பா.. அடாப்பு போட்ட மாதிரி வந்துக்கொண்டே இருக்கிறது …எண்ணிக்கையே ஒரு பக்கம் வரும் போல உள்ளது).

இது தான் நிதர்சனமான உண்மை. யாரும் நல்லவர்கள் கிடையாது. இதை புரியாமல் தான், நாம் நமக்குள் அடித்துக்கொண்டு இருக்கிறோம்.நல்ல சிந்தியுங்க.

நம் சமுதாயத்திற்கு ஒரு மருத்துவக்கல்லூரி தேவை என்று திட்டங்கள் நடந்துக்கொண்டே இருக்கிறது..எவ்வளவு கஷ்டப்படுகிறோம் நாம்... என்று இந்த இனிய உதயம் வரும் என்று ஆவலுடன் இருக்கிறோம்...புரிந்துக்கொள்ளுங்கள் சகோதரர்களே.

சாளை S.I.ஜியாவுதீன், அல்கோபார்