IP: 117.*.*.* India

அஸ்ஸலாமு அலைக்கும் (வரஹ்).

நகர்மன்ற தலைமை பெண்களுக்கு ஒதுக்கப்பட்டிருப்பது உள்ளாட்சி தேர்தலை ஒத்திவைப்பதற்குண்டான நோக்கமாகத்தான் தெரிகிறது.

பல ஊர்களையும் பாதிப்பதால் சட்டப்பூர்வ நடவடிக்கையில் சிலர் இறங்குவர் அதனால் - உள்ளாட்சி தேர்தல் காலவரையற்ற தள்ளிவைப்பு என்ற பதில் விரைவில் கிடைக்கும் என்று எதிர்பார்க்கலாம்.

தேர்தலுக்கு 6 மாதத்திற்கு முன்பு பெண்களுக்கு என்று ஒதுக்கியிருந்தால் அவ்வளவு பாதிப்பு ஏற்பட்டிருக்காது - திடீரென்று, தேர்தல் அறிவிப்பு வரக்கூடிய நேரத்தில் இந்த ஒதுக்கீடு வந்ததால் பெரும்பாலானவருக்கு ஏமாற்றம்தான்.

-------------------------------------

ஒரு வேளை தேர்தல் நடக்கும் என்றிருந்தால் கூட அறிவித்திருக்கும் ஊர்களை பார்க்கும்போது முஸ்லிம்களை பாதிக்க வேண்டும் என்ற சூழ்ச்சியில் செய்ததாக தெரிகிறது.

சூழ்ச்சியாளர்களுக்கெல்லாம் சூழ்ச்சியாளன் அல்லாஹ்! என்பதை ஆட்சியாளர்கள் உணர வேண்டும்.

-------------------------------------

மக்களே!

ஒரு வேளை தேர்தல் அறிவித்து ஒரு பெண்ணே தலைமை பதவிக்கு நின்றால்கூட - அந்த தேர்தலை சந்திக்கத்தான் போகிறோம் - இன்ஷா அல்லாஹ்! நம் சமுதாயத்து பெண்ணை தலைமை பதவிக்கு கொண்டு வரத்தான் போகிறோம், அதில் சந்தேகமில்லை.

ஊர் ஒற்றுமையை கருத்தில் கொண்டு எல்லோரும் ஒற்றுமையாக இருந்து செயல்பட்டு நல்ல வேட்பாளரை தேர்ந்தெடுக்க வேண்டும். ஆளும் கட்சி, எதிர் கட்சி என்று அரசியலை சாராதவர்களையே தேர்ந்தெடுப்பது சிறந்தது.

இன்றைய சூழ்நிலையில் நமக்கு எந்த சலுகையோ, திட்டங்களோ அவசியமில்லை - முதலில் ஊழலில்லாத உறுப்பினர்களைக் கொண்ட நகர்மன்றம் அமைய வேண்டும்.

அதன் பின், நம் நகர்மன்றத்தால் இலஞ்சமில்லாத, தக்க காரணமில்லாத தாமதமற்ற மக்கள் சேவை. இந்த இரண்டையும் முதலில் அமுலுக்கு கொண்டு வந்துவிட்டால் மற்றவைகள் எல்லாம் இறைவனருளால் தானாக வந்துவிடும்.

எனவே! மக்களே உங்கள் வார்டு உறுப்பினர்களை நல்லவர்களாக தேர்ந்தெடுங்கள். தயவு செய்து சொல்லாதீர்கள் முதலில் நல்லாத்தான் இருக்கிறாங்க அங்கே போனப்பிறகு மாறி விடுகிறார்கள் என்று.

உண்மையான ஈமான் உள்ளவர்களாக இருந்தால் அங்கே போனாலும் சரி வெளியே வந்தாலும் சரி கெட்டுப்போக மாட்டார்கள்.

ஆகையால் நீங்கள் தேர்ந்தெடுக்கும்போதே அவர்கள் குண நலன்களை நன்றாக பார்த்து தேர்ந்தெடுங்கள்.

வார்டு உறுப்பினர்களை வைத்துதான் தலைமையும் சரியாக அமையும் - அதிகாரிகளும் சரியாக அமைவார்கள் எனவே மிகவும் கவனமாக இருந்து தேர்ந்தெடுங்கள்.

வல்ல அல்லாஹ்! நமது நகர்மன்றம் சிறந்ததாக அமைய கிருபை செய்வானாக ஆமீன்.

வஸ்ஸலாம்.