IP: 117.*.*.* India

மனித நேயம் என்பது என்ன? எல்லா உயிர்களிடத்தும் அன்பு வைப்பது.

பாபர் மசூதி இடிப்பு தினம் முஸ்லிம்களின் இதயங்களை இடித்த தினம், இடித்தவர்கள் யார்? காங்கிரஸ் ஆட்சியில், BJPமுன்னிலையில், பஜ்ரங் தள் ஆதரவாளர்கள், RSS காரர்கள் செய்த வேலை என்று இவர்கள் எல்லோரையம் முன்னிலைப் படுத்துவோம்.ஆனால் இதற்கு தூபம் போடும்போது கரசேவைக்கு ஆள் அனுப்பியவர்கள், செங்கல் எடுத்து கொடுத்தவர்கள், ராமனுக்கு அயோத்தியில் கோயில் கட்டாமல் எங்கே கட்டுவது என்று வாய் கூசாமல் கேட்டவர்கள், மசூதியை இடித்தவர்களோடு கூட்டணி அமைத்து மத்தியில் மந்திரிகளாக வலம் வந்தவர்கள் இவர்களில் யாரை தண்டிக்கப் போகிறோம்.

அதுபோகட்டும். நீதி கேட்டு நெடிய பயணம் போனோமே, 1992 முதல் 2013 வரை சுமார் 20 வருடங்கள் நீதி உறங்கி கொண்டிருக்கும் இந்த நாட்டில் இடித்த மசூதியை அதே இடத்தில கட்டித்தர இவர்கள் என்ன பைத்தியக் காரர்களா? ஓட்டுக்காக நாட்டை பிரிப்பார்கள், மாநிலத்தை பிரிப்பார்கள், தனக்கு சாதகமானால் இந்து முஸ்லிம்களை பிரிப்பார்கள், ஜாதிகளாக பிரிப்பார்கள்.

கவிஞரின் கடைசி வரிகள்தான் உண்மை. அல்லாஹ்தான் பள்ளியை இடித்தவர்களை, நம் உள்ளங்களை இடித்தவர்களை தண்டிப்பான். அவனே அதை கட்டியும் தருவான். அவனிடமே இரு கரம் ஏந்தி து ஆ கேட்போம். இடித்தவர்கள் எல்லோருக்கும் ஹிதாயத் கிடைக்கட்டும்.

நாளை பொழுது நல்ல பொழுதாக அமையட்டும் அதுவரை காத்திருப்போம், பொறுத்திருப்போம். ஒரு கவிஞனின் மனித நேயம் கண்டு வியக்கிறேன், வாழ்த்துகிறேன்.

IP: 117.*.*.* India

இந்திய வரலாற்றில் ஓர் கருப்பு நாள்!

இந்திய இறையான்மையைத் தகர்த்து தவிடு பொடியாக்கிய நாள்! வெறி கொண்ட கயவர்கள் இந்தியத் தாயின் கற்பை சூரையாடிய நாள்!

சிறுபாண்மை மக்களின் உணர்வுகளை சிதையிலிட்டு கொளுத்திய நாள்!

மதச்சார்பற்ற இந்தியாவின் மார்பில் எட்டி உதைத்த நாள்! நடுநிலையாளர்களான இந்து சமுதாயத்தினரை தலை குனிய வைத்த நாள்!

நம் இந்திய மண்ணில் கரசேவை எனும் பெயரில் காவிநிறக் கறை படியச் செய்த நாள்!

இப்படி நம் நாட்டின் பெருமைதனை எண்ணிப் பார்த்து பூரிப்படையச் செய்யும் இந்நாள் டிசம்பர்-6 என்பது பாரத மாதாவுக்கு பேதி எடுத்த நாள் என்றும், பாரத மாதா பாலியல் பலாத்காரம் செய்யப்பட்ட நாள் என்றும் பல மேடைகளில் மண்மறைந்த மாமனிதர் எஸ்.கே. மாமா அவர்கள் முழங்கக் கேட்டுள்ளேன்.

ஆறாத புண்ணாகவும், மாறாத வடுக்களாகவும் எம் சமுதாய மக்கள் மனதில் இன்றளவும் வேதனை தரும் ஓர் விரும்பதகாத நிகழ்வு தான் இது!

இனி காலமெல்லாம் டிசம்பர்-6 என்பது ஓர் கருப்பு நாள் தான்!

இடித்ததும், இடிந்ததும், வீழ்ந்ததும், சரிந்ததும் ஒரு வழிபாட்டுத்தலம் அல்ல! நம் தேசத்தின் ஒற்றுமை, ஒழுக்கம், நீதி, நியாயம் இவைகள் தான்!

உலகமே பாரதத்தின் முகத்தில் காரி உமிழ்ந்த இந்நாளை ஒவ்வொரு வருடமும் (டிசம்பர்-6) நினைக்கும் போது எம் தேசத்தின் மீதுள்ள களங்கம் நீங்க வேண்டுமே? அல்லது நீக்கப்பட வேண்டுமே? எனும் ஆதங்கமும் ஆவலும் தான் மேலோங்குகிறது.