Kayal on the Web

இலக்கியம்

ஆக்கங்கள் அனைத்தும் காண

அனைத்து கருத்துக்களையும் காண

ஆக்கம் எண் (ID #) 20

#KOTWART0220

செவ்வாய், டிசம்பர் 31, 2013
	மருத - நாயகன் நம்மாழ்வார்! ஆக்கம்: பேராசிரியர் முனைவர் ஜெ. ஹாஜா கனி (ஆரூர் புதியவன்) பேராசரியர் / கவிஞர் / எழுத்தாளர் / சமூக ஆர்வலர்

இந்த பக்கம் 1692 முறை பார்க்கப்பட்டுள்ளது | வாசகர் கருத்துக்கள் காண (3) <> கருத்து பதிவு செய்ய

(ஒப்புதலுக்காக காத்திருக்கும் கருத்துக்கள் - 0; நிராகரிக்கப்பட்ட கருத்துக்கள் - 0)

click here to post your comment using facebook

{ முகநூல் கருத்துக்கள்}{ட்விட்டர் கருத்துக்கள்}

மாண்புமிகு
மண்ணின் மைந்தர்
மண்ணைக்காக்கும்
நெடும்போரில்
கடைசியில்
மண்ணில்
கலந்து விட்டார்..

நச்சுகளின்
சிலுவையால்
அறையப்பட்ட
நிலங்களை
மீட்க வந்த
மீட்பர்..

விடையறியாமல்
வீழ்ந்து கொண்டிருந்த
விவசாய ‘பலியாடுகளை”
மேன்மைப் படுத்த வந்த
மேய்ப்பர்..

தமிழனின்
தன்மானம் காத்தது
பெரியார் எனும்
வெண் தாடி..

தமிழனின்
மண் மானம் காத்தது
நம்மாழ்வார் எனும்
வெண் தாடி..

வயலும்,
வயலைச் சார்ந்ததுமாய்
மருத நிலம்...

துயரும்,
துயரைச் சார்ந்ததுமாய்
வேளாண் வாழ்க்கை....

உழுத நிலத்தில்
அழுது கிடந்த
வேளாண் மக்களை நோக்கி
அவர்
இருகை நீட்டினார்..
இயற் கை காட்டினார்..
நம்பிக்கை ஊட்டினார்...

நவீன அஞ்ஞானிகளுக்கெதிராய்
இந்த
இயற்கை விஞ்ஞானி
தன் கருத்தை
நிலை நாட்டினார்....

அந்நிய தாக்கத்திலிருந்து
மண்ணைக் காக்க
களமாடிய
மாவீரன் மருதநாயகம்
களத்தில் வீழ்ந்தாலும்

மக்கள் உளத்தில்
கல்வெட்டானான்..

நச்சு மருந்துகளின்
நாச கரத்திலிருந்து
மருத நிலம் காக்க
கடைசி மூச்சுவரை
களமாடிய
மருத நாயகரே...

உம் பெயரைக்
கல்லில் எழுத மாட்டோம்...
விவசாய
மண்ணில் எழுதிவைக்கிறோம்..

இவ்வாக்கம் குறித்த கருத்தை பதிவு செய்ய இங்கு சொடுக்கவும் >>
இறுதி கருத்துக்கு செல்ல இங்கு சொடுக்கவும் >>

1. பன்னாட்டு முதலாளிகளுக்கு மன நிறைவு..
posted by: தமிழன் முத்து இஸ்மாயில் (காயல்பட்டினம்.) on 01 January 2014
IP: 180.*.*.*

India | Comment Reference Number: 32248

உம் பெயரைக் கல்லில் எழுத மாட்டோம்...
விவசாய மண்ணில் எழுதிவைக்கிறோம்.

என்ற வரி மிகவும் என்னை கவர்ந்தன.

இந்த புனிதரின் மறைவு இந்திய மண்ணை மலடாக்கும் பன்னாட்டு முதலாளிகளுக்கு மன நிறைவு..

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு அழுத்தவும்]

2. நம்மாழ்வார் நம்மிலும் உருவாகியுள்ளனர்
posted by: ஹிஜாஸ் மைந்தன். (காயல்பட்டினம்.) on 04 January 2014
IP: 59.*.*.*

India | Comment Reference Number: 32279

அவர் சிந்திய வியர்வை துளிகள் கூட இரசாயன கலப்பில்லா இயற்கை உரம்தான்! மண்ணுக்கு மகிமை சேர்த்த இந்த மண்ணின் மைந்தனால் நம் மண்ணுக்குத்தான் பெருமை. அவர் விதைத்த வித்துக்கள் விருட்சமாய் வளர்ந்து இப் பூவுலகிற்கு பயன் தரும் என்பதில் ஐயமில்லை

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு அழுத்தவும்]

3. Re:...
posted by: AHAMED SULAIMAN (Dubai) on 02 February 2014
IP: 217.*.*.*

United Arab Emirates | Comment Reference Number: 32973

அஸ்ஸலாமு அழைக்கும் ,

நாயகன் நம்மாழ்வார்!

நம் மண்ணில் மாசினை அகற்ற வந்த மாசறு பொன் ஐயா நீ .

மண் சிறக்க போராட்டம் உன் தன் மானத்தை பறைசாற்றும் ஐயா.

மண் பெண்ணை ரசாயன பலாத்காரத்தில் இருந்து முடிந்த வரை காப்பாற்றிய உத்தமன் .

உன்னுடைய அரை நிவாணம் கூட கலப்படமற்ற கவர்சிதான். ரசாயனம் பூசிய நடிகைகள் எல்லாம் பிச்சைதான் வாங்கணும் .

வயல்கள் எல்லாம் கலப்படமற்ற சிரிப்பை பச்சை தனமாக புரியவேண்டும் என்று பாடுபட்ட பச்சை தமிழன் .

உன்னுடைய யதார்த்த வார்த்தையால் நீ தமிழ் அன்னையின் மழலையாகதான் வலம் வந்தாய் .

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு அழுத்தவும்]

முதல் கருத்துக்கு செல்ல இங்கு சொடுக்கவும் >>
இவ்வாக்கம் குறித்த கருத்தை பதிவு செய்ய இங்கு சொடுக்கவும் >>

முகநூல் வழி கருத்துக்கள்