IP: 117.*.*.* India

திரு. ஸ்ரீனிவாசன் அவர்களின் கருத்துக்கு முற்றிலும் நான் மாறுபடுகிறேன்.

அவர் அளித்துள்ள இந்த அறிக்கையில், காயல்வாசிகளின் வாழ்க்கை முறை குறித்து கூறியிருக்கிறார். அதில் மிக முக்கியமாக குடியிருக்கும் வீடு குறுகியது என்றும், உண்ணும் உணவு முறை குறித்தும் குறிப்பிட்டிருக்கிறார்.

இவைதான் காரணமென்று சொன்னால், நகர்ப்புறங்களில் ஃப்ளாட் சிஸ்டம் அடிப்படையில் கட்டப்பட்ட வீடுகள் அனைத்தும் அப்படித்தானே உள்ளன?

அதேபோன்று, உணவுப் பழக்கவழக்கத்தை புற்றுநோய்க்குக் காரணமாக அவர் கூறியிருப்பதும் நகைப்பிற்குரியது.

அலைபேசி கோபுரங்களைக் குறிப்பிடுகிறார். அதிலுள்ள கெடுதியை மறுப்பதற்கில்லை என்றாலும், அது இந்த ஊரில் நிறுவப்பட்டு சில ஆண்டுகளே ஆகின்றன. ஆனால் புற்றுநோய் இத்தொழிற்சாலையின் தாக்கம் இந்தப் பகுதி பூமியில் நிலைபெறத் துவங்கியது முதலே உள்ளது.

நாங்கள் முன்வைக்கும் குற்றச்சாட்டுகளோ, இந்த நச்சு ஆலையின் 50 ஆண்டுகால மாசு பற்றியதாகும். இது காயல்வாசிகளுக்கு மட்டுமல்ல! சுற்றுவட்டார மக்கள் அனைவரையும் பாதிக்கிறது. சுற்றுவட்டார மக்களெல்லாம் நன்றாக இருக்கிறார்கள் என்றால், 26.05.2013 அன்று ஆறுமுகநேரியில் ஒரு கண்டன ஆர்ப்பாட்டம் நடைபெற்றதே, ஏன்? அதில் நானும் கலந்துகொண்டு கண்டன உரையாற்றினேன்.

உன் ஆலையின் பாதிப்பை உணர்த்த, ஆலையைச் சுற்றி ஒவ்வொரு நாளும் ஓடிக்கொண்டிருக்கும் துருப்பிடித்த வாகனங்களே கண் கண்ட சாட்சி. இரும்பு வாகனத்திற்கு இந்த நிலையென்றால், இரத்தம் ஓடும் உடம்புக்கு பாதிப்பு வரும் என்பதைக் கூற, திருச்சி ரோஸ் கார்டனிலிருந்து டாக்டர் கோவிந்தராஜனா வர வேண்டும்?

ஒன்றை மட்டும் இறுதியாகக் கூறிக்கொள்கிறேன்! சுற்றுவட்டாரத்தில் அனைவரும் நன்றாக இருக்கிறார்கள் என்பது இந்த ஆலையின் எச்சில் எலும்புக்கு வாய் பிளக்கும் சிலரை வைத்துக்கொண்டு ஆலை நிர்வாகம் உதிர்க்கும் சொற்களே. அப்படிப்பட்ட எச்சில் எலும்புகள் காயல்பட்டினத்திலும் உள்ளனர்.

வேடிக்கை என்னவென்றால், மற்ற இடங்களில் அவர்களைக் கண்டுபிடிப்பது சிரமம். ஆனால், காயல்பட்டினத்தில் உன் ஆலைக்கு ஆதரவாக வாய் திறந்தாலே - அவன் வாங்கித் தின்று கொழுத்தவன் என்பதை கண்ணை மூடிக்கொண்டு பச்சைக் குழந்தையும் சொல்லிவிடும்.

விரிவையஞ்சி முடிக்கிறேன். தேவைப்பட்டால் இன்ஷாஅல்லாஹ் தொடருவேன். உன் நச்சு ஆலைக்கெதிராக நடைபெற்ற கண்டன ஆர்ப்பாட்டத்தின்போது இந்திய தலைநகர் டில்லியில் நாடாளுமன்ற உறுப்பினரிடம் ஜெய்ப்பூர் காயல் நல மன்றம் சார்பில் மனு அளிக்கச் சென்ற குழுவில் நானும் இடம்பெற்றவன் என்ற உரிமையிலேயே இக்கருத்தைப் பதிவு செய்துள்ளேன்.