IP: 122.*.*.* India

சகோதரர் சட்னி மீரான் அவர்களுக்கு,

அஸ்ஸலாமு அலைக்கும்,

இச்செய்தி குறித்து தெளிவான விளக்கம் கொடுக்கப்பட்ட பின்னரும், தாங்கள் தொடர்ந்து சந்தேகங்களை எழுப்புவது வியப்பாக உள்ளது.

ஆதாரமற்ற செய்திகளை காயல்பட்டணம்.காம் என்றும் வெளியிட்டதில்லை - இந்த செய்தி உட்பட. இதனை மீண்டும் தெரிவித்துக்கொள்கிறோம். அதற்க்கான அவசியம் இந்த இணையதளத்திற்கு இல்லை. இந்த இணையதளத்தை எங்கள் பொழுது போக்கிற்காகவோ, லாபத்திற்காகவோ நாங்கள் நடத்தவில்லை. இவ்விணையதளம் மூலம் - நல்லது செய்ய நாடியுல்லோமே தவிரே, தீமையை அல்ல.

ஊடகம் என்பதால் - எங்களிடம் பல செய்திகள் - பலரால் தரப்படுவது உண்டு. அவைகள் அனைத்தையும் நாங்கள் வெளியிடுவதில்லை. சில சமயங்களில் - அச்செய்தி உண்மை என அறிந்தும் - அதற்கான நேரடி ஆதாரம் இல்லாத பட்சத்தில் நாங்கள் வெளியிட்டதில்லை. இது பலருக்கும் தெரியும், உங்களையும் சேர்த்து.

கடந்த சில தினங்களுக்கு முன் - ஒரு செய்தி குறித்து தங்களை தொடர்பு கொண்டதும், அச்செய்தியில் உண்மை உள்ளது என்பதையும், ஆனால் இதுவரை அச்செய்தியை நாங்கள் வெளியிடவில்லை என்பதும், வெளியிடாததற்கு காரணம் அதற்க்கான சாட்சிகள் பெயரை வெளியிட விரும்பாததே என்பதும் தங்களுக்கு தெரியும். இது போன்ற பல செய்திகளை - உண்மை என அறிந்தும், ஆதாரங்கள் குறைவு என்பதால் நாங்கள் வெளியிட்டதில்லை.

நீங்கள் கேள்வி எழுப்பும் நடப்பு செய்தியை பொறுத்த வரை பெறப்பட்ட வெவ்வேறு செய்திகளின் சாராம்சமே அது.

செய்தியில் தெரிவிக்கப்பட்டுள்ள தகவல்கள் மூன்றே :

(1) காயல்பட்டின தேர்தல்கள் குறித்து புகார்கள் சமர்பிக்கப்பட்டுள்ளது
(2) அப்புகார்களில் - கள்ள ஒட்டு, பணம் - சாராயம் பட்டுவாடா திட்டங்கள் தீட்டப்படுகின்றன என தெரிவிக்கப்பட்டுள்ளது
(3) புகார்களை நாம் யாரிடம் தெரிவிக்கவேண்டும்

இச்செய்தி வெளியிடும்முன் நாங்கள் ஊர்ஜிதம் செய்யவேண்டியது -

-- ஏதாவது புகார்கள் உண்மையாக சமர்பிக்கப்பட்டுள்ளதா,
-- அப்புகாரில் என்ன தெரிவிக்கப்பட்டுள்ளது,
-- அதற்க்கு நகரில் சாத்தியம் உள்ளதா

இவைகளை ஊர்ஜிதம் செய்தோம். புகார் நேரடியாகவும், Fax மூலமும் கொடுக்கப்பட்டுள்ளது. அப்புகாரில் - சில அமைப்புகளும், சில நபர்கள் பெயரும் குறிப்பிடப்பட்டுள்ளது. இருப்பினும் - நாங்கள் செய்தி வெளியிடும்போது, அமைப்பின் பெயரையோ, நபர்கள் பெயரையோ வெளியிடவில்லை. தேர்தல் காலங்களில் இதுபோன்று நடைபெறுவதும், குற்றச்சாட்டுகள் எழுவதும் அனைவரும் அறிந்தது.

ஒரு விஷயம் நடந்தது என்றால் அதற்க்கு ஆதாரம் தேடலாம். ஒரு விஷயம் குறித்து திட்டம் தீட்டப்படுகிறது என்று வரும்போது, ஆதாரங்கள் எளிதல்ல. எனவே - இச்செய்தியை பொறுத்தவரை, இது நகரில் நடக்க சாத்தியம் உள்ளதா என்பதை மட்டும் நாங்கள் யோசிக்கவேண்டியிருந்தது. இது போன்ற சம்பவங்கள் - பல முறை நகரில் நடந்துள்ளன என்பது ஓரளவு விபரம் அறிந்தவர்களுக்கு தெரியும். நாம் நகரம் என கூறும்பொழுது - அனைத்து பகுதியையும் குறிக்கும் என்பதனை மறந்து விடாதீர்கள்.

இவைகளை கணக்கில் கொண்டே - அமைப்புகள்/நபர்கள் பெயர்கள் நீக்கப்பட்டு, இச்செய்தியில் யாரையும் குறிப்பிட்டு குற்றம் சாட்டாமல், புகார்கள் எழுந்துள்ளது என்ற தகவல், அதில் எது குறித்து நாம் விழிப்புணர்வுடன் இருக்கவேண்டும் என்ற தகவல், புகார்களை நாம் யாரிடம் தெரிவிக்கவேண்டும் என்ற தகவல் ஆகியவற்றை மட்டும் வழங்கியிருந்தோம்.

மேலும் - தகவல்களை எமக்கு வழங்கியவர் ஒருவர் அல்ல, பலர். அவர்கள் பெயரை நாங்கள் குறிப்பிடவில்லை. காரணம் - அவர்கள் தந்த செய்தியில் நாங்கள் பயன்படுத்தியது, புகார்கள் சமர்பிக்கப்பட்டுள்ளது என்ற விபரம் மட்டுமே, வேறொன்றும் இல்லை.

இதில் நகருக்கு என்ன களங்கம் வந்துவிட்டது என்று தெரியவில்லை. மக்கள் கள்ள ஒட்டு போன்ற விசயங்களில் உஷாராக இருங்கள் என்று செய்தி வெளியிடுவது குற்றமா?