IP: 117.*.*.* India

காக்கும் கரங்கள் ஏற்பாடு செய்திருந்த விழிப்புணர்வு கூட்டத்துக்கு போயிருந்தேன். முஸ்லிம் லீக் பொதுசெயலாளர் அபூபக்கர், செயலாளர் காயல் மகபூப், கலா நிதி ஹபீப் முஹம்மது உரைகள் மிக அழுத்தமாக ஒன்றை சொன்னது. ஐக்கிய பேரவை எடுத்த முடிவு தவறு என்று நீங்கள் நினைத்தாலும் இப்போது பொது வேட்பாளரையே ஆதரியுங்கள். இந்த ஒற்றுமை உணர்வை மாற்று மதத்தினருக்கு வெளிப்படுத்துங்கள் என்ற அவர்களின் வேண்டுகோள்கள் விழலுக்கு இறைத்த நீராகி விடாது என்று நினைக்கிறேன்.

" யா மாஷற ஷபாப்" என்று இளைஞர்களைத்தான் அழைத்தார்கள் நபிகள் நாயகம். "இளையோர் கூட்டம் தலைமை தாங்கும் பூமியே புதிய பூமி" என்று ஒரு கவிஞர் இளைஞர்களை பார்த்து பாடினார். 100 இளைஞர்களை என்னிடம் தாருங்கள் அவர்களை இந்த இந்தியாவின் சிற்பிகளாக்கி காட்டுகிறேன் என்றார் விவேகானந்தர். உண்மைதான்.

ஐக்கிய பேரவை செயல்பாட்டில் குறைகள் தெரிகிறது. வாருங்கள் இளைஞர்களே, அதை சரி செய்வோம், வெளியே நின்றல்ல, மானுட வசந்தம் ஹபீப் முஹம்மது சொன்னதுபோல் உள்ளே செல்வோம், உறவுக்கு கை கொடுப்போம், உரிமைக்கு குரல் கொடுப்போம், நீங்கள் எதிர்பார்க்கும் ஜனநாயகத்தை வென்றெடுப்போம்.

ஒரு இயக்கத்தின் நடவடிக்கைகளை முடக்கிவிடுவதா அல்லது அதை தீவிரமாக செயல்படும்படி முடுக்கிவிடுவதா? எதை நாம் தேர்நதடுப்பது. சிந்திப்போம்.

இப்போது ஊர் கூடி ஒரு தலைவரை தேர்ந்தெடுப்போம். நடந்தவற்றை மறப்போம். மன்னிப்போம். இனி ஒரு விதி செய்வோம்.

பகை கொண்ட உள்ளம் துயரத்தின் இல்லம், தீராத கோபம் யாருக்கு லாபம். வீழ்வது நாமாக இருந்தாலும் வாழ்வது நமது ஊராக இருக்கட்டும். . விட்டுக்கொடுத்தவர்கள் கெட்டு போனதில்லை. நாளைய பொழுது நல்ல செய்தியை இந்த நாட்டு மக்களுக்கு சொல்லட்டும். எங்கள் வாழ்வும் எங்கள் வளமும் மங்காத காயல் என்று சங்கே முழங்கு, எங்கள் பகைவர் எங்கோ மறைந்தார், இங்குள்ள காயலர்கள் ஒன்றாகக்கண்டார் என்ற புதிய கீதத்துடன் புதிய காயல், ஊழலற்ற நகராட்சி, தன்னலமற்ற சேவையால் நாம் எதிர்பார்க்கும் எல்லா நலத்திட்டங்களும் நிறைவேற்றப்பட்டு நாம் எல்லோரும் சுபீட்சமாக வாழ அல்லாஹ் அருள்புரிவானாக, ஆமீன், யா ரப்பல் ஆலமீன்.

மக்கி நூஹுதம்பி 9865263588