IP: 218.*.*.* Hong Kong

தேர்தல் தோல்வி ஜுரத்தில் பேரவையின் வியூகம் அமைப்போர் பெரும் குழப்பத்தில், செய்வதறியாது திகைப்பது கண்கூடாக தெரிகிறது. இறுதி கட்டத்தில் பேரவையின் வேட்பாளருக்கு வாக்கு சேகரிக்க இப்போது பேரவைக்கு இருக்கும் ஒரே ஆயுதம் தங்களையே குறைகூறிக்கொள்ள பேச்சாளர்களுக்கு அனுமதி அளித்துள்ளதாக தெரிகிறது.

எல்லோரும் பேரவை குறைபாடி, குற்றப்பத்திரிகை வாசித்து , ஆமாம் ஆமாம் தப்பு நடந்து விட்டது. மானம் காக்க, ஐக்கியம் பேன தங்கள் வேட்பாளருக்கு வாக்களிக்க கேட்கின்றனர். இதுவே சகோ. ஆபிதாவின் நிலையை வலுப்படுத்துவதாக உள்ளது. அந்த சகோதரி நீதிகேட்டுத் தான் களத்தில் போரிடுகிறாள்.

இப்போது டாக்டர் ஹபீபின் முறை போலும் . நமதூரின் மாபெரும் அறிவு ஜீவி தான் டாக்டர் ஹபீப். அவரும் ரசூலுல்லாஹ் (ஸல்) அவர்கள் போல் இளைஞர்களை அழைத்து ஒன்றுபட கேட்டுள்ளார்.அவரும் அவர் பங்குக்கு பேரவை தலைமையை குறை கூற மறக்கவில்லை.

தேர்தலை எதிர்நோக்கிஉள்ள நமதூரில் , சர்ச்சைகள் பலவற்றால் குழம்பிய இந்த சூழலில், ஒற்றுமையை நிலைநிறுத்துவது இப்போது சாத்தியமா? சும்மா ஊருக்கு விரைந்து உணர்ச்சிப்பூர்வ உரைகள் நிகழ்த்தினால் ஒற்றுமை ஓடி வந்துவிடுமோ ?

ஒற்றுமையை நிலைநாட்டவென உண்மையான எண்ணம் இருப்பின், பிரச்சினையின் ஆழத்திற்குள் சென்று, ஒற்றுமை ஏன் சிதைத்துள்ளது என ஆய்வு செய்து, அனைத்து சாராரரையும் சந்தித்து ஒற்றுமையின் முக்கியத்துவத்தை வழியுறுத்தி அனைவருக்கும் வழியுறுத்தி, தவறுகள் களைந்திட வழிவகை கண்டிருக்க வேண்டும். அதற்கு களப்பணி அவசியமில்லியா ? ஒற்றுமை என்பது அறிவுஜீவிகளின் வார்த்தை ஜாலத்தால் வந்துவிடும் என்றால், டாக்டரின் அதிவேக பயணம் வெற்றியே! உண்மையோ வேறு! ஒற்றுமை குறைவுக்கான காரணிகள் இருக்கும் வரை ஒற்றுமை எட்டுவது கடினமே.

மக்களின் முடிவிற்கு அனைவரும் - டாக்டர் ஹபீப் உட்பட, காத்திருப்போம். மக்கள் பேரவையின் செயல்பாட்டை அங்கீகரித்து பெருவாரியாக சகோ. மிஸ்ரியாவிற்கு வாக்களித்து வெற்றியளித்தால், மீண்டும் இதே ஐக்கிய பேரவையின் தலைமையில் மக்கள் தொடர்வர்.

மாறாக மக்கள் வேட்பாளர் என தன்னை முன்னிறுத்தும் சகோ. ஆபிதா விற்கு மக்கள் பெருவாரியாக வாக்களித்து வெற்றி பெறவைத்தால், பேரவை புதிய பொலிவுடன் டாக்டர் ஹபீப் அழைத்த்தைபோன்று, துடிப்புள்ள இளைஞர்களும் பெரியவர்களோடு பங்கேற்கும் புதிய ஐக்கியம் காயலில் உருவாகும். அதில் அனைவரும் சம (சமூக) நீதியுடன் நடத்தப்படுவர். காயளர்கள் குறியீட்டு இன்றி, பிரிவினை இன்றி அழைக்கப்படுவர். அப்போது டாக்டர் ஹபீப் வந்து ஒற்றுமையாக இருப்பதன் அவசியத்தை நமக்கு எடுத்துரைக்கலாம்.

தற்போது ஒதுங்கி இருந்து மக்களின் விருப்பத்தை அறியுங்கள். பல நேரங்களில் மக்கள் நம்மை விட புத்திசாலிகள் என்பதை அறிவுஜீவிகள் என்போர் உணரவேண்டும். இது டாக்டருக்கும் பொருந்தும். வஸ்ஸலாம்!! இவண் : ஹாஜா அரபி