IP: 219.*.*.* Hong Kong

அல்லாஹ்விற்காக வக்ப் செய்யப்படும் மச்ஜீத்கள் அனைத்திலும் ஜூம்மா தொழுகை உட்பட எல்லா வேளை தொழுகையும் நடாத்தப்படவேண்டும் என்பதே சுன்னத். ஜூம்மா பள்ளி அது அல்லாத பள்ளி எனும் கொள்கை பிற்காலத்தில் ஏற்ப்பட்டதகவே தெரிகிறது.

ஏராளமான பள்ளிகள் உருவானதால் ஏற்பட்ட நடைமுறையாகவே இவை தெரிகிறது. எனவே ஒரு பள்ளியில் ஜூம்மா நடத்த போவது ஒன்றும் சரித்திர குறியீடாக கொண்டாடுவது ஏற்புடையதா என்பது விவாதத்திற்குரியது.

நமதூர் மொஹுதூம் பள்ளியில் ஜூம்மா நடத்த தீர்மானித்திருப்பதற்கு வருவோம். அதுவும் எண் இலக்கம் (11 /11 /11 )என்பது பள்ளிவாசலுக்கும் செண்டிமெண்ட் வந்தது துரதிஷ்டமே. நமதூருக்குதான் இவையெல்லாம் சரித்திரம் போலும். எல்லாவற்றிலும் தனித்துவம் நமக்கு!!

இதற்கு கடந்த கால சரித்திரம் காரணமாக இருக்ககூடும் என நினைக்கிறேன் . இரண்டாவது ஜூம்மா வாக சிறிய ஜும்மா பள்ளி (சிறிய நைனாரால்) போட்டியாக கட்டப்பட்டதும், அது தவறு (?) என்று அன்று தடுக்க முயற்சித்த அப்பகுதி முன்னோர்கள், வுருவாக்கப்பட்ட நிலையில் சமரசத்திற்காக பெரிய மற்றும் சிறிய ஜூம்மா பள்ளிகளில் [edited] (வாரம் இங்கு வாரம் அங்கு என ) மாற்றப்பட்டது.

பின்னர், மூன்றாவது ஜூம்மா உருவாகக்கூடிய சரித்திர கட்டாயம் ஏற்பட்டது கடந்த நூற்றாண்டின் மத்தியில்.

அல்ஜாமிஉல் அஸ்கர் மஜ்ஜித் உருவாக்கத்தை முறியடிக்க பெரும் இயக்கமே நடைபெற்றது. பாத்வாக்கள், தந்திகள் என ஊர் அல்லோலகல்லோல பட்டது. அல்ஜாமிஉல் அஸ்கர் மஜ்ஜித் கட்டப்பட்டதில்தான் கொண்டாட்டமும், போராட்டமும், எதிர்ப்பும் ஆதரவும் என்ற மாச்சரியங்கள் அன்று ஊரை கலங்கடித்தன. அவை அனைத்தும் வேரோடும் வேரடி மண்ணோடும் சாய்க்கப்பட்டன. காரணம் மச்ஜிட்களின் தேவை பல்வேறு காரணங்களால் உருவானதே.

இந்த மனோ நிலையில் மஹுடோம் பள்ளியை எடுக்க முடியாது. காரணம் இப்பள்ளி கட்ட படும் நிலையில் சிலரால் எதிர்ப்பு கிளம்பியது. அல்லாஹ் உதவியால், நீதி மன்ற படிகளிலும் அவை முறியடிக்கப்பட்டன. அல்ஹம்டுளில்லாஹ்.

ஆனால் அது கட்ட படும் நிலையில் என்ன காரணத்திற்காகவோ அது ஜூம்மா தொழும் பள்ளியாக பிரகடனப்படுத்த படாமலேயே, வேலைகளெல்லாம் முடிந்து தொழுகையும் நடக்கும் நிலையில் 11 /11 /11 அன்று ஜூம்மாவாக அறிவிக்கப்பட்டுள்ளது.

பல சகோதரர்கள் தங்கள் சந்தோஷத்தை இந்த பகுதியில் பதிவு செய்துள்ளனர். என்னை பொறுத்த வரை இது ஒரு சாதாரண நிகழ்வாகவே கருதுகிறேன் . இஸ்லாத்தின் பார்வையும் இதுவாகவே இருக்கக்கூடும் என கருதுகிறேன். அல்லாஹ்வே நன்கறிந்தவன்.

பள்ளிக்கு ஒரே இலக்கணம் தான் உண்டு. அங்கு அல்லாஹ்வை தவிர வேறு யாரையும் (கூவி உதவிக்கு) அழைப்பதை இஸ்லாமிய அகீதா (அடிப்படை கொள்கை) ஏற்பதில்லை. அடுத்து அல்லாஹ்வை வணங்க வருவோரை (போர்டு அறிவிப்பின் மூலம்) தடுப்பதும், அச்சத்தை ஏற்படுத்துவதும் அக்கிரமம். இவை இரண்டும் நடக்காத வரை இந்த மச்ஜிடை அல்லாஹ் பாதுகாப்பான்.

வஸ்ஸலாம்
ஹாஜா அரபி