IP: 59.*.*.* India

சகோதரர் குடாக் புஹாரி மற்றும் சகோ. S.S. ஜகுபார் சாதிக் அவர்களுக்கு, இந்த மாதிரி ஒரு பதில் கமெண்ட்ஸ் வரனும் என்றுதான் வெயிட் பண்ணிக்கொண்டு இருந்தேன்.

நான் ஒன்றும் புறநகரை சார்ந்தவன் இல்லை. நானும் மத்திய காயல்தான். எங்கள் பூத் அமைந்தது சென்ட்ரல் பள்ளியில்தான். என் தங்கைக்கு முஹியத்தீன் பள்ளியில்தான். அவர்களை இங்கு விட்டு விட்டு 85 நிமிடங்கள் காத்து இருந்தேன்.

அங்கு என் அருகில் குழுமி இருந்த நம் சொந்தங்களின் கமெண்ட்ஸ் அடித்ததை பார்க்கணுமே.

நான் இரண்டு ஓட்டுதாண்டி போட்டேன், இப்போ ID கார்டு கேட்கிறார்கள் அதான் முடியவில்லை.

போப்போ.. முகத்தை காட்ட சொல்லுராங்கோ...

உண்டான ஓட்டை போடவே திணறுது- நீ வேறே உன் லாத்தா உடைய ஓட்டை போட சொல்லுரியே..

இன்னும் ஒரு பெண்மணி, என்னிடம் அவர்களின் மகனின் சிலிப்பை கொடுத்து " வாப்பா என் மகன் வரமுடியவில்லை, இதை நீயே போட்டுவிடேன்" என்று கூறி சிலிப்பை என்னிடம் தந்தார்கள். ( சிலிப் என்னிடம் உள்ளது). அவர்களுக்கு இது தவறு என்றே தெரியவில்லை.

நான் அங்கு நின்று இருந்த சமயம், ஒரு போட்டி வேட்பாளர் சகோதரி செய்யத் மரியம் அவர்கள் வரும் போது அவர்களை கேலி பண்ணி ஒய்யோ.. போட்டு கத்தி அவமானப் படுத்தியதையும், அதன் பின்பு சகோதரி ஆபிதா அவர்கள் வரும் போதும் அதே ஒய்யோ.. போட்டு கத்தியதையும் சாதாரணமாக எடுத்துக்கொள்ளலாம் என்றாலும்,

உபயோகித்த வார்த்தைகளை அல்லாஹ் சாதாரணமாக எடுத்துக்கொள்வானா..

சகோதரி செய்யத் மரியம் அவர்களை ஒரு பெண்மணி கூறிய ஒரு கமெண்ட்ஸ் அப்பப்பா... ( இந்த வார்தைகளை கூட்டத்தில் இருந்த ஒரு சில பெண்மணிகள் தான் உபயோகித்தார்கள், பல பெண்கள் அப்படி எல்லாம் சொல்லாதே என்று கண்டிக்கவும் செய்தார்கள்)

சென்ட்ரல் பள்ளியில், மிகப் பெரிய, கண்ணியமான குடும்பத்தை சேர்ந்த பெண்மணி, 2 கள்ள ஓட்டுகள் போட்டு விட்டு, பின்பு அவருடைய உண்மையான ஓட்டை போடும் போது பிரச்சனை வந்து, அந்த அம்மணி வாசலில் வைத்து கத்திய கத்து.. விசாரித்து பாருங்கள் சகோதரர்களே.

ஓட்டு போட்ட கை மையை அழித்து விடுவதை தெருவில் யாருக்கும் பயப்படாமல் செய்ததை நான் கண்டதுதான். மற்ற தெருவில் நான் காணவில்லை. மறைந்து இருந்து செய்து இருந்தால் யாருக்கும் தெரிந்து இருக்காது.

ஆக இந்த செய்தியை அறிய பெண் உடை அணிந்து சென்று தான் பார்க்கணும் அல்ல.

நான் கேள்விப்பட்ட செய்தியை பதிக்கணும் என்றாலே, பலரிடம் ஊர்ஜிதம் செய்து, உண்மை நிலையை அறிந்துதான் பதிப்பேன். இந்த செய்திகள் அனைத்தும் என் கண்முன்னாடிதான் நடந்தது.

ஒருவேளை "கண்ணை நம்பாதே" என்று நீங்கள் சொன்னால், நான் பதித்த செய்திகள் அனைத்தும் தவறுதான்.

ஊரில் நடக்கும் செய்தியை அறியனும் என்றால் போலீஸ் ஆகவோ, பத்திரிக்கை காரனாகவோ இருக்கனும் என்ற அவசியம் இல்லை. ஒரு தனி மனிதனுடைய வீட்டில் நடப்பவைகளை அறிய, அவர்களின் வீட்டிற்க்குள் செல்லதான் இந்த தகுதிகள் தேவை.

இன்னும் விளக்கமோ, மனது கஷ்டப்பட்ட நிகழ்வுகளை எழுதனும் என்றோ தேவைப்பட்டால் பதிலை பதிவு செய்யுங்கள், நான் எழுதுகிறேன்.

மீண்டும் ஆரோக்கியத்துடன் சந்திக்கலாம், சரியா சகோதரரே.

சாளை S.I.ஜியாவுதீன், மத்திய காயல்பட்டினம்.