IP: 2.*.*.* United Arab Emirates

காயல்பட்டணம்.காம் மற்றும் எஸ்.கே.எஸ். (தாருத்திப்யான் நெட்வர்க்) ஆகியோர்களுக்கு, அஸ்ஸலாமு அலைக்கும். இச்செய்திக்குத் தொடர்பான, அக்டோபர் 15 அன்று வெளியான (http://www.kayalpatnam.com/shownews.asp?id=7380 ) அறிக்கைக்கு சிறு விளக்கம் தர வேண்டுகிறேன்.

அவ்வறிக்கையில் கூறப்பட்டுள்ள விஷயங்கள் அனைத்தும் YUF சங்கத்தினரால் தரப்பட்டதா அல்லது உங்களில் யாருடனோ அவர்களின் மனக்குறையை சொல்லியபோது அதனை அறிக்கையாக வெளியிட்டீர்களா?

ஏனெனில், பொதுவாகவே இது மாதிரி அறிக்கைகள், பொதுநல அமைப்புகளிலிருந்து பெற்று இவ்வலைத்தளத்தில் வெளியிடும்போது, அவ்வமைப்புகளின் லெட்டர் ஹெட்-ல் அதன் முத்திரையுடன் வெளியிட்டு இத்தளத்தின் நம்பகத் தன்மையை பாதுகாப்பீர்கள். ஆனால், இங்கே மிகவும் மாறுபட்டிருக்கிறதே.

அறிக்கை தந்தவர் தனி நபரானால் விளக்கம் தேவைபட்டிருக்காது. 1967 ம் ஆண்டு துவங்கி 1968 ம் ஆண்டு அரசு பதிவுபெற்று (பதிவு எண் 18) இன்றுவரை பல சேவைகளை ஆற்றிவரும் ஒரு முன்னணியின் செயலர்.

இவ்வறிக்கையில் குறிப்பிடப்பட்டுள்ள நபர்களில் ஜனாப் காயல் எஸ்.இ.அமானுல்லாஹ் அவர்கள், எம்முன்னணியின் நிறுவனர்களில் ஒருவர். சகோதரர் அப்துர்ரஷீது (அவ்லியா) அவர்கள் எம்முன்னணியின் செயல் வீரர்களில் ஒருவர்.

இவ்வறிக்கையில் கூறப்பட்டுள்ள வாசகங்கள், உள்ளூர், வெளியூர் மற்றும் வெளிநாடுகளில் உள்ள முன்னணியின் அபிமானிகளுக்கும், உறுப்பினர்களுக்கும் நெருடலைத் தருகின்றன.

எனவே, இச்செய்தி பெறப்பட்ட விதத்தை சற்று விளக்கினால் நன்று.

(மேற்கண்ட அறிக்கையின் இறுதியில்

"மிகவும் காயப்பட்ட மனதுடன்,
உங்கள் அன்பு YUF செயலர்,

(ஒப்பம்)
எஸ்.ஏ.கே.முஹ்யித்தீன் அப்துல் காதிர்."


என்ற வரிகள் இடம்பெற்றிருப்பதை நினைவூட்டுகிறேன்)

Moderator: “காக்கும் கரங்கள் அமைப்பின் சார்பில் நடத்தப்பட்ட இக்கூட்டம் குறித்து ஓர் அறிக்கை உள்ளது... அதனை உடனடியாக உங்கள் வலைதளத்தில் வெளியிட வேண்டும்” என்று கோரி எம்மிடம் அறிக்கை தரப்பட்டது.

“தனி நபராக இக்கருத்தை தாங்கள் தெரிவிக்க விரும்பினால் அதை comments பகுதியிலேயே வெளியிட்டுக்கொள்ளுங்கள்! செய்தியாகத்தான் வெளியிட வேண்டும் என்று கோரினால், தங்கள் அலுவலக லெட்டர் பேடில், கையொப்பமிட்டு, அலுவலக முத்திரையுடன் தந்தால் மட்டுமே வெளியிட இயலும் என்று தெரிவிக்கப்பட்டது.

அதன்படி அவர்களால் தரப்பட்ட பின்பு, “மீண்டும் ஒன்றுக்கு பலமுறை யோசித்துக்கொள்ளுங்கள்! செய்தி வெளியிடப்பட்ட பின்னர் அதை நீக்கம் செய்வதற்கு வாய்ப்பில்லை... ஒருவேளை தாங்கள் இச்செய்தி குறித்து ஏதேனும் மாற்றமோ, நீக்கமோ செய்ய விரும்பினால், மீண்டும் தங்கள் அலுவலக லெட்டர் பேடில், அலுவலக முத்திரையுடன் அறிக்கையாகத்தான் தர வேண்டும்!” என்று நாம் தெரிவித்தோம்.

இவ்வனைத்து விதிமுறைகளையும் மதித்தே இளைஞர் ஐக்கிய முன்னணி செயலர் அவர்கள் நம்மிடம் கடிதம் தந்துள்ளார். அவரது விருப்பத்தின் பெயரிலேயே வெளியிடப்பட்டுள்ளது.

இருக்கும் செய்திகளை வெளியிடவே இன்னும் நேரம் தேவை என்ற நிலையிருக்க, செய்திகளையும், அறிக்கைகளையும் தேடி அலைந்து பெற்று வர வேண்டிய நிலையில் இவ்வலைதள குழுமம் இல்லை என வாசகர்களின் அன்பான கவனத்திற்கு அறியத்தரப்படுகிறது.