IP: 49.*.*.* India

அஸ்ஸலாமு அலைக்கும்,

அன்புள்ள சகோதரி ஆபிதா அவர்களே! நடந்து முடிந்த நகராட்சி தேர்தலில் நீங்கள் மக்களின் ஆதரவோடு அமோக வெற்றி பெற்றுள்ளீர்கள். அதற்காக முதற்கண் நல்வாழ்த்துக்கள். இணைய தளங்களில் பல கருத்து யுத்தங்கள் நடந்த போதிலும் நீங்களும் சகோதரி மிஸ்ரியாவும் ஒருவர்கொருவர் நல்லிணக்கத்துடனேயே நட்பு பாராட்டியதினை பல முறை கண்டுள்ளேன்.இதுதான் நம் மார்க்கம் நமக்களித்த நன்நடைமுறை.அதனை தொடர்ந்து கடைபிடிக்க வேண்டுகிறேன். மேலும் உங்கள் தந்தை காட்டித்தந்த வழிமுறையும் அதுதான் . மேலும் வல்ல அல்லாஹ் உங்களுக்கு நல்ல ஆரோக்கியத்தையும் நீண்ட ஆயுளையும் தருவதற்கும் நீங்கள் தொடங்கி இருக்கும் நல்வழி பயணம் இறுதிவரை நல்லதாக அமையவும் துஆ செய்கிறேன். மேலும் உங்களை வேதனை படுத்தியவர்களால் நீங்கள் சிந்திய கண்ணீருக்கும் பகரமாக அல்லாஹ் வெற்றியினை பரிசாக தந்து விட்டான். எனவே அவ்வாறு செய்தவர்களை மன்னித்து விடுங்கள்.அல்லாஹ் போதுமானவன்.

மேலும் வெற்றி பெற்ற அனைத்து வார்டு உறுப்பினர்களுக்கும் நல்வாழ்த்துக்கள்.உங்களுக்கு சூட்டப்பட்டுள்ளது மகுடம் இல்லை முள் கிரீடம் என்பதனை நினைவில் கொள்ளுங்கள் மக்களுக்கு ஆற்றும் சேவைகளை இறைவனுக்கு ஆற்றும் சேவையாக கருத்தில் கொண்டு செயல்படுங்கள் அதன் மூலம் உங்களை தேர்ந்தெடுத்த வாக்காளர்களுக்கும் நன்மையினை சேருங்கள். வெற்றி வாய்ப்பினை இழந்தவர்களே நீங்கள் இச்சுமையிலிருந்து தப்பித்ததற்காக இறைவனுக்கு நன்றி செலுத்துங்கள்.

என் வார்டினை சேர்ந்த தம்பி அஜ்வாதிற்கும், நண்பர் ஜஹாங்கீருக்கும்,என் சகலையின் காக்கா சாமு காக்கா அவர்களுக்கும், என் சகோதரியை(மொகுதும் நிஸா) எதிர்த்து வெற்றி பெற்ற 4 ஆம் வார்டு உறுப்பினர் சகோதரி முத்து ஹாஜரா அவர்களுக்கும் என் தனிப்பட்ட வாழ்த்துக்கள்.

நன்றி!

வஸ்ஸலாம்...................!

மஹ்மூத் ரஜ்வி, காட்டுத்தைக்கா தெரு(17) காயல்பட்டினம்