IP: 92.*.*.* United Arab Emirates

காயல்பட்டணம்.காம் அட்மின் அவர்களின் மேலான கவனத்திற்கு:

நமது இணையதளத்தில் கருத்து பதிவுகளில் பலர் ஏதோ எழுத வேண்டும், நம்முடைய பதிவு இணையதளத்தில் எப்படியாவது வர வேண்டும் என்ற ஆதங்கத்தில் புனை பெயரிலும் அல்லது வேறு பல பெயர்களிலும் ஒரு சில புல்லுருவிகள் தவறான கருத்துக்களையும், தன்னடித்த மூப்பாக (இது நமதூர் பாஷை) மரியாதை இல்லாமல் பதிவு செய்யும் போக்கு பெருகிவிட்டதகவே எல்லோரும் கருதுகிறார்கள். எனக்கு கூட இப்படி பலர் தொலைபேசியில் தொடர்புகொண்டு கருத்து பரிமாற்றங்களை செய்துகொண்டார்கள்.

இது இப்படி இருக்கும் பட்சத்தில், நாம் வெப் அட்மின் அவர்களையும் குறை கூற முடியாது. கருத்துப்பகுதி என்று ஆரம்பித்து விட்டால் அது எல்லோர் கருத்துக்களையும் பதிவு செய்யும் இடமாகத்தான் இருக்க வேண்டும். இதில் ஒருதலைப்பட்சமாகவும் இருக்க முடியாது. உங்களுக்கும் ஒரு குறிப்பிட்ட அளவிற்கு மேல் கட்டுப்பாடாகவும் இருக்க முடியாது.

ஆனால் இது போன்ற செயல்கள் இனிமேலும் திரும்ப திரும்ப ஏற்படாமல் தடுத்து நம் ஊரின் கண்ணியமும் கலாச்சாரமும் பாதுகாக்க என்ன வழி என்று தயவு செய்து யோசித்து ஒரு நல்ல முறையை கையாளுங்கள். இதை நான் உங்களுக்கு கேட்டுக்கொள்ள காரணம் தேர்தல் காலத்தில் கருத்துக்கள் என்ற பெயரில் கொஞ்சம் எல்லை கடந்துவிட்டதாகவே நான் கருதுகிறேன். இதையே இந்த பதிவை வாசிக்கும் இந்த இணையதளத்தின் நலம் விரும்பிகளின் எண்ணமாகவும் இருக்கும் என நினைக்கிறேன்.

நமது இணைய தளத்தில் முன்பு இருந்தது போல் user name and password protected முறையை மீண்டும் அமுல் படுத்தி, புதியவர்கள் அனுமதி கேட்கும்போது Referral System கொண்டு வாருங்கள்.

அதேபோல், கருது பதிவு செய்யும் போது வார்த்தைகளின் எண்ணிக்கையும் கட்டுப்படுத்த வேண்டும்.

இப்படி செய்தால் நிலைமைகள் ஓரளவு நமது கட்டுப்பாட்டுக்குள் வரலாம் என்பது என் கருத்து.

மற்றவர்கள் என்ன சொல்கிறார்கள் என்று பொறுத்திருந்து பார்ப்போமே?