IP: 117.*.*.* India

அஸ்ஸலாமு அலைக்கும் (வரஹ்).

நகர்மன்ற தலைவராகவும், உறுப்பினர்களாகவும் தேர்ந்தெடுக்கபட்டவர்களை அவர்கள் பதவி ஏற்பதற்கு முன்பாக ஓன்று கூடச்செய்து எல்லோருக்கும் அறிமுகம் செய்து வைத்தது மிகவும் சிறப்பாக இருந்தது.

அவர்கள் எல்லோரும் பதவி ஏற்கும்போது ஒருவருக்கொருவர் புதிதாக சந்தித்து சம்பிரதாயத்திற்காக நலம் விசாரித்து அதன் பின் பணியைத் தொடங்குவதை காட்டிலும் பதவி ஏற்கும் முன்பே இப்படி ஓர் அறிமுகம் கூட்டம் ஏற்பாடு செய்து ஒவ்வொருவரைப் பற்றியும் விளக்கம் தந்தது நன்றாக இருந்தது.

மேலும் அவர்கள் செய்யப்போகிற சேவை மற்றும் தேவையை அவர்கள் வாயாலே சொல்ல செய்தது மக்களுக்கு மிகுந்த நம்பிக்கையை தருகிறது.

உறுப்பினர்கள் அவர்கள் வாயாலேயே இலஞ்சம் வாங்க மாட்டோம், வாங்க விட மாட்டோம் என்று மக்கள் முன்னிலையிலேயே கூறியது மிகவும் சந்தோசத்தை தந்தது.
-------------------------------------------------------
இந்த அறிமுகம் மற்றும் திட்டமிடல் கூட்டத்திற்கு வருகைத் தந்த நமது நகர்மன்ற முன்னாள் தலைவர்களான சகோதரி நாச்சி தம்பி மற்றும் சகோதரி வஹிதா அவர்கள் மிகவும் நன்றாக பேசினார்கள்.

அவர்களுடைய ஆட்சி காலத்தில் நகர் மன்றத்தில் ஏற்பட்ட அனுபவங்களை மக்களுடன் பகிர்ந்துக்கொண்டது புதியவர்களுக்கு உற்சாகமாக இருந்தது.

முன்னாள் தலைவிகள் இருவரும் சகோதரி ஆபிதாவிற்கு வலது புறமும் இடது புறமுமாக அமர்ந்திருந்து சகோதரி ஆபிதாவை உற்சாகப்படுத்தியதோடு அல்லாமல் தேவையான ஆலோசனைகளையும் எப்போதும் வழங்குவதாக அவர்கள் இருவரும் உறுதியளித்தது மக்களிடம் நன்மதிப்பை பெற்றது.
-----------------------------------------------------
பெண் உறுப்பினர்களுடைய பேச்சுகளில் - அவர்களுடைய தொனியில் - நிச்சயமாக அவர்கள் நமது நகர்மன்றத்தை ஊழல் இல்லாத ஒரு சிறந்த மன்றமாக செயல்பட செய்வார்கள் என்ற நம்பிக்கை பிறந்தது.

சில பெண் உறுப்பினர்களிடம் பேசியபோது அவர்கள் சேவையை விட ஊழலை ஒழிப்பதற்காகவே நகர் மன்றத்திற்கு போகிறதாக சொன்னது உண்மையிலேயே எனக்கு மிகுந்த மகிழ்ச்சியை தருகிறது.
-----------------------------------------------------
சகோதரி ஆபிதா உடைய பேச்சு - அதில் உள்ள உறுதியை பார்க்கும்போது - நம்முடைய நகர்மன்றம் உறுதியாக ஒரு சிறந்த மன்றமாக செயல்படும் என்பதை தெளிவுப்படுத்துகிறது.

சகோதரியுடைய நடை , பாவனையை பார்க்கும்போது தேர்தலில் வெற்றிப் பெறுவதற்காக நண்பர்களும் , சொந்தமும், பந்தமும் இன்னும் பலதும் உழைத்தாலும் இறைவனே எனக்கு வெற்றியைத் தந்தான் என்பதை சொல்லாமல் சொல்கிறது - சகோதரியின் முகத்திலே எந்த பகட்டும், பந்தாவும் இல்லை.

இறைவனருளால் அத்தனை உறுப்பினர்களும் நல்ல முறையில் ஒத்துழைத்து நம் நகர்மன்றம் சிறப்புடன் செயல்பட எல்லாம் வல்ல அல்லாஹ்! கிருபை செய்வானாக ஆமீன்.

வஸ்ஸலாம்.