IP: 92.*.*.* United Arab Emirates

அருமையான போட்டோக்களுடன் கூடிய மகிழ்ச்சியான செய்தி, நகர்மன்ற தலைவர் சகோதரி அவர்கள் எல்லா பெரியவர்களையும் நேரில் போய் சந்தித்து விழாவிற்கு அழைப்பு விடுத்ததோடு நின்று விடாமல் தன்னோடு போட்டியிட்ட சக சகோதரியையும் சந்தித்து அழைத்திருப்பது பெருமிதத்துக்குரியது.

நம் இஸ்லாம் போற்றும் வழியில் ஒரு ஆரோக்கியமான ராஜபாட்டையோடு சகோதரி அவர்கள் தனது பயணத்தை துவக்கியுள்ளார் என்றால் அது மிகையில்லை என நம்புகிறேன்.

'தனது சகோதரரின் முகத்தை புன்முறுவலோடு பார்ப்பதும் (صدقـة)தர்மம்' என்ற 'நபி மொழி' க்கு ஏற்ப இரு வேட்பாளர்களும் வெற்றி தோல்வி என்ற வேற்றுமை களைந்து புண் முறுவல் பூத்த வண்ணம் மன மகிழ்ச்சியுடன் தோன்றுவது மனதிற்கு மிகவும் சந்தோஷமாக இருக்கிறது.

அதே சமயம் வெவ்வேறு சின்னங்களில் போட்டியிட்ட நாங்களே இணைந்து நிற்கும் போது, தாங்களும் (கசப்பான நிகழ்வுகளை மறந்து, கருத்துப் பதிவு எனும் ஆயுதப் போரை நிறுத்தி விட்டு ஆரோக்கியப் பாதையில்) ஒன்றாக ஓரணியில் நின்று கண்ணியமான காயலை உருவாக்கலாம் வாருங்கள் என்ற ஒரு அருமையான MESSAGE ஐ அந்தப் படம் தருவதாகவே எனக்குத் தோன்றுகிறது

உங்களுக்கு ?
--------------------------------------
ஊழலற்ற, லஞ்ச லாவண்யம் போன்ற தீய கருமங்கள் ஏதும் இல்லா சுத்தமான, பசுமையான, எல்லோரும் விரும்பும் காயல் பதியின் கண்ணியம் காக்கும் மன்றமாக நமது நகர் மன்றம் அமைய தலைவர் மற்றும் உறுப்பினர்கள் சற்று சிரமப்பட்டு உழைக்க வேண்டும் அதற்கு நமது ஒத்துழைப்புகளை நாம் நல்க வேண்டும்.

அத்தியாவசிய குடிநீர், மின்சாரம் தடையின்றி நமதூருக்கு கிடைக்கச்செய்யவும், இன்னும் நல்ல பல நலத்திட்டங்கள் நிறைவேற்றப்பட்டு நகர் மன்றங்களில் நம் மன்றம் முதன்மை மன்றமாகத் திகழவும் புதிய தலைமுறை பாடுபட வேண்டும். அதற்கு அந்த வல்ல ரஹ்மான் அருள் புரிவானாக, ஆமீன் يا رب العالميـن.

நல் வாழ்த்துக்களுடன்,
செய்யிது முஹம்மது சாஹிபு S.Y.S.