IP: 123.*.*.* India

'''பதவிப்பிரமானத்தின்போது, “கடவுள் அறிய” என்ற வாசகத்தை நகர்மன்ற ஆணையர் முன்மொழிந்தபோது, பெரும்பாலான முஸ்லிம் உறுப்பினர்கள் “அல்லாஹ் அறிய” என்றும், “எல்லாம்வல்ல அல்லாஹ் அறிய” என்றும், “இறைவன் அறிய” என்றும் கூறினர்.' (Cut & பேஸ்ட்)

"இறைவன்" என்ற தமிழ் சொல் எப்படி அல்லாஹுவின் பெயரில்லையோ, அதுபோல "அல்லாஹ்" என்ற அரபு சொல் இறைவனுடைய பெயரல்ல. "அல்லாஹ்' என்றால் அரபு மொழியில் இறைவன் அல்லது கடவுள் என்றுதான் பொருள். அதை நாம் நம்முடைய தாய் மொழியில் "இறைவன்" என்றோ அல்லது "கடவுள்" என்றோ சொல்லுவதனால் எந்த ஒரு நன்மையையும் இழந்துவிடமாட்டோம். "அல்லாஹ்" என்று அரபியில் சொல்லுவதனால் "extra" நம்மைகள் கிடைக்கும் என்பதற்கு எந்த ஆதாரமும் இருப்பதாகத் தெரியவில்லை.

உருது மொழியை தாய் மொழியாகக் கொண்டவர்கள் அல்லாஹ் என்று மட்டும் கூறுவதில்லை, பல நேரங்களில் "ஹுதா" என்ற வார்த்தையையும் உபயோகிக்கிறார்கள்.

அரபு மொழியை தாய் மொழியாக கொண்ட கிறிஸ்த்தவர்கள். ஈசா (அலை) நபியை அல்லாஹ்வென்றும் , அல்லாஹிவின் மகன் என்றும் நம்புவது மட்டுமல்ல அல்லாஹ் என்றே அரபியில் (தங்களது தாய் மொழியில்) அழைக்கிறார்கள்.
அவர்களின் அரபு பைபிளில் இறைவனை குறிப்பிடும்போதெல்லாம் "அல்லாஹ்" என்ற சொல்லையே பயன்படுத்த்தியுள்ளார்கள். காரணம் அவர்களின் தாய் மொழி அரபு மொழி என்பதால்.

அதைப்போல அரபு மொழியை தாய் மொழியாக கொண்ட யூதர்கள் ஹீப்ரு மொழியில் "YAHWEH" ( Jehovah in English) அல்லது "Elohim" ( Eli in Aramaic) என்று இறைவனை அழைப்பதில்லை மாறாக "அல்லாஹ்" என்றே தங்களுடைய (தாய் மொழியில்) அழைக்கிறார்கள். அவர்களுடைய வேதநூலில் - அரபு பைபிளில் (பழைய ஏற்பாடு) அல்லாஹ் என்றுதான் உள்ளது.

தமிழை தாய் மொழியாகக்கொண்ட நாம் "கடவுள்" என்றோ "இறைவன்" என்றோ சொல்லுவதனால் எந்த தவறும் கிடையாது.

சில இஸ்லாமிய அறிஞ்ஞர்கள் இது பற்றி தங்களுடைய கருத்துகளை சொல்லும்போது, தமிழில் "கடவுள்" என்ற வார்த்தைக்கு ஒருமை, பன்மை, ஆண்பால், பெண்பால் உள்ளது. அல்லாஹ் என்ற அரபு வார்த்தைக்கு இவைகள் எதுவும் இல்லை. என்ற வாதத்தை முன் வைக்கிறார்கள். இவர்களுடைய இந்த வாதம் சரியாக தென்பட்டாலும், இந்த வாதத்திற்கு மார்க்க அடிப்படையில் (கடவுள் அல்லது இறைவன் என்று கூறக் கூடாது மாறாக "அல்லாஹ்" என்றுதான் கூற வேண்டும்) எந்த ஆதாரத்தையும் (எனக்கு தெரிந்தவகையில்) இவர்கள் தரவில்லை.

"அல்லாஹ்" என்பவன் முஸ்லிம்களுடைய கடவுள் என்று முஸ்லிம் அல்லாதவர்கள் பெரும்பாலானோர் தவறாக எண்ணிக்கொண்டிருக்கிறார்கள். இதற்க்கு சில நேரங்களில் நாம் நம்முடைய செயல்பாடுகள் மூலம் தெரிந்தோ தெரியாமலோ காரணமாக இருக்கிறோம்.

இது என்னுடைய தனிப்பட்ட கருத்து. முரன்பாடுள்ளவர்கள் ஆதாரத்துடன் (குர்-ஆன் and or ஹதீஸ்) மாற்றுக் கருத்தை தெரிவித்தால், ஏற்றுக்கொள்கிறேன்.