IP: 116.*.*.* India

அஸ்ஸலாமு அலைக்கும்!

ஈகோவும் பணவெறியும் இந்த துணைத்தலைவர் தேர்வில் வெற்றி பெற்றுள்ளன. இனி நமதூர் நகர் மன்றத்தின் நடவடிக்கைகள் ஊழலுக்கும் ஆதரவாகவும் ஆக்கபூர்வ திட்டங்களுக்கும் பெரும் தடையாகவும் இருக்கப்போவதற்கான அறிகுறியாகவே இதை பார்க்க வேண்டியுள்ளது. குறிப்பிட்ட சில பணக்காரர்களின் சில்மிஷக்கரங்கள் ஓயும் வரை ஊர் நலனில் நாட்டமுள்ளவர்கள் கை கட்டி வேடிக்கை பார்க்க முடியாது. அது நமது இணையதளத்திற்கும் பொருந்தும்.

கடந்த காலங்களில் நகர்மன்றத்தில் நடந்த முறைகேடுகள், ஊழல்கள் போன்றவை அவ்வளவாக கவனிக்கப்படாமல் கடந்து போய் விட்டன. இனி அவ்வாறு நடக்க நாம் அனுமதிக்க முடியாது.

நகராட்சியின் தலைவர், துணைத்தலைவர், உறுப்பினர்கள், அலுவலர்கள் போன்றோரின் தனிப்பட்ட வாழ்க்கையையும், பொதுவாழ்வையும் கண்காணிக்ககூடிய ஒரு கண்காணிப்பு பொறிமுறை (WATCH DOG)யை உருவாக்க வேண்டும்.

MEGA அமைப்பைப்போல ஒரு தன்னார்வ அமைப்பாக இது வடிவமெடுக்க வேண்டும்.

நகராட்சியின் மீதான முறைப்பாடுகளை பொதுமக்களிடமிருந்து பெற்று நமது இணையதளம் வெளியிட வேண்டும்.

நகராட்சி அங்கத்தவர்கள், அலுவலர்களின் ஐயத்துக்கிடமான அனைத்து நடவடிக்கைகளும் கேள்விக்குள்ளாக்கப்பட வேண்டும்.

இத்தகைய ஜனநாயக, மக்கள் பிரதிநிதித்துவ உள்ளாட்சி அமைப்புகளில் ஊழலையும், சுரண்டலையும் ஊக்குவிக்கும் பண முதலைகளின் சட்ட விரோதபோக்கும் அம்பலப்படுத்தப்பட வேண்டும்.