IP: 122.*.*.* India

சகோதரர் Cnash சரியான கருத்துகளைத் தெளிவாக முன்வைத்துள்ளார். ஆரோக்கியமான கலந்துரையாடல்களைப் பதிவு செய்வதைவிடுத்து, சும்மா அரைத்த மாவையே அரைத்துக்கொண்டிருக்கின்றனர் சில நண்பர்கள். சில விஷயங்களைச் சொன்னால் சிலருக்குப் புரியும். சிலருக்குப் புரிந்தாலும் புரியாததுபோல் இருந்தால் அதனால் யாருக்கு இலாபம்...?

உண்மைக்குப் புறம்பான எந்தச் செய்தியை இவ்விணையதளம் வெளியிட்டாலும் அதற்கெதிராக குரலெழுப்பக்கூடியவர்களில் நானும் இருப்பேன் என்பதை இங்கு பதிவு செய்துகொள்கிறேன்.

பொதுவாக, ABCD எழுத்துகளில் மூன்றெழுத்து, நான்கெழுத்துகளில் நம் நாட்டில் அரசியல் கட்சிகளின் பெயர்கள் பிரபலம். ஆனால், அதைப்போன்றே சில நிறுவனங்கள் இது போன்ற அரசியல் சித்து விளையாட்டில் சிக்குவதேனோ....? என்றுதான் புரியவில்லை. புரிந்தவர்கள் முடிந்தால் விளக்குங்கள்.

சில நண்பர்களுக்கு நாகரிகமாக விமர்சனம் செய்வது புரியவில்லையா...? அல்லது பிடிக்கவில்லையா எனத் தெரியவில்லை. எல்லாவற்றையும் அநாகரிகமாகவும் அடுத்தவர் மனம் புண்படும்படியும் விமர்சிக்க வேண்டும் எனக் கருதுகிறார்களா....? என்றும் புரியவில்லை.

ஆனந்த விகடன், நக்கீரன் பாணியில் விமர்சிக்க வேண்டும் எனக் கூறவருகிறார்களா என்றும் தெரியவில்லை. எனவே, சொல்வதைத் தெளிவாகச் சொன்னால், அல்லது எவ்வாறு விமர்சிக்க வேண்டும் என்று வகுப்பெடுத்தால் அதை பரிசீலிக்கலாம்.

காயல்பட்டினம்.காம் இப்போதுதான் தன் பணியில் 100 சதத்தை அடைந்துள்ளது என்றால் அது மிகையன்று.

தொடருங்கள் உங்கள் பணியை... தொடர்கிறோம் உங்களை நாங்கள்.