IP: 117.*.*.* India

அன்பிற்குரிய சகோதரர்களே!

இந்த போஸ்டர் மற்றும் நோட்டீஸ் நமக்கு தெரிவிப்பது என்ன என்பதை ஊர் நன்மையைக் கருத்தில் கொண்டு மட்டும் கருத்துப்பதிவு செய்யுமாறு கேட்டுக்கொள்கிறேன். உங்கள் உங்கள் வீடுகளில் ஒரு பிரச்சினை என்றால் எப்படி அக்கறையுடன் அதிலுள்ள குறைகளை மட்டும் கவனித்து உங்கள் நடவடிக்கைகளை அமைத்துக்கொள்வீர்களோ அப்படியே இதையும் பார்க்க வேண்டும்.

நமதூர் நகர்மன்றத் தேர்தலில் அரசியல் தலையீடு வேண்டாம் என ஐக்கியப் பேரவை கருதியது உண்மை என்றால் அது தலைவருக்கு மட்டும் அல்ல! மாறாக துணைத்தலைவருக்கும் பொருந்தும்தானே?

ஒருவேளை அரசியல் தலையீடு தேவை என்று வைத்துக்கொணடாலும், இப்போது இருக்கும் சூழ்நிலையில் அதிமுக சார்பாக ஒருவர் தேர்ந்தெடுக்கப்பட்டிருந்தால் பரவாயில்லை என்றுதானே சொல்ல வேண்டும்?

அது போகட்டும்! சரி, இந்த பதினெட்டு வார்டுகளிலும் வெற்றி பெற்ற உறுப்பினர்களில் யார் அரசியல் கட்சி சின்னத்தில் நின்றவர்கள் என்பதை நகர திமுகவினரோ அல்லது அதன் மாநில பொதுக்குழு உறுப்பினரோ தெரிவிப்பார்களா? உண்மையில் நீங்கள் கட்சி ரீதியாக களத்தில் இறங்க வேண்டுமென்றால் வேட்பு மனு தாக்கல் செய்யும்போதே மும்பை மெய்தீன் அவர்களை திமுகவின் உதயசூரியன் சின்னத்தில் அல்லவா நிறுத்தியிருக்க வேண்டும்?

சுயேட்சையாக நின்றுவிட்டு, வெற்றி பெற்றவுடன் “திமுக ஜெயிச்சிடுச்சி! காயல்பட்டணம் மீண்டும் கலைஞர் பட்டணம் ஆயிடுச்சி” என்று மார்தட்டும் திமுக நிர்வாகிகளுக்கு எனது பணிவான கேள்வி: திமுகவினர் பலர் தோற்றுள்ளார்களே, அப்படியானால், அந்தந்த வார்டுகளில் எல்லாம் கலைஞர் பட்டணம் தொலைந்துபோயுள்ளதே? இதற்கு என்ன பதில் வைத்துள்ளீர்கள்???

சரி, அவர்களை விடுங்கள்! இது கலைஞர் பட்டணம் என்று அவர்கள் போஸ்டர் வெளியிட்டதும் மகிழச்சியில் திளைத்து கருத்து வெளியிட்டுள்ள - வெளியிடவுள்ள அன்புச் சகோதரர்களைக் கேட்கிறேன்... இது நம்பிக்கைத் துரோகமில்லையா? இவர் திமுகவின் உதயசூரியன் சின்னத்தில் களத்தில் நின்றிருந்தால் அதிமுகவினர் எதிர்த்து பணியாற்றி இருக்க மாட்டார்களா? உள்ளாட்சித் தேர்தலில் ஆளுங்கட்சிக்குத் தோல்வி என்பது அவர்களது மானப்பிரச்சினை என்ற உண்மை அதிமுகவிற்குத் தெரியாதா? தெரிந்தும் அவர்கள் சும்மா இருந்திருப்பார்களா?

உண்மையில் நமதூரை கலைஞர் பட்டணம்தான் என்று நிரூபிக்க, முதலில் அவர்களது உதயசூரியன் சின்னத்தில் களத்தில் இறங்கட்டும்! பின்னர் தெரியும் இறைவனின் முடிவு என்ன என்று!

நான் திமுக எதிரியுமல்ல! அதிமுக ஆதரவாளனுமல்ல. அந்தந்த நேரத்தில் உள்ள சூழ்நிலைகளை மட்டும் மனதிற்கொண்டு எனது நடவடிக்கைகளை அமைததுக்கொள்பவன்.

நமதூருக்கு நன்மை விளைய வேண்டுமானால் நமது அறிவையும் அதற்கு பயன்படுத்த வேண்டும். கண்ணை மூடிக்கொண்டு கலைஞர் பட்டணம் என்று கருதுவது, நம் தலையில் நாமே மண்ணை அள்ளிப் போட்டுக்கொள்வதற்கு சமம்.

இதுவே கலைஞர் ஆட்சி நடக்கும்போது, வாயார வயிறார சொல்லுங்கள் “கலைஞர் பட்டணம்” என்று. ஊர் வாழும். இப்போது சொன்னால் ஊர் வாழுமா, நாறுமா?????