IP: 122.*.*.* India

சகோதரர் சதக் தம்பி அவர்களுக்கு,

அஸ்ஸலாமு அலைக்கும்,

வெளியிடப்பட்டுள்ள செய்தியில் எந்த முறைக்கேடு குற்றச்சாட்டும் இணையதளம் வைக்கவில்லை. அரசின் சட்ட விதிகளை அனைவரும் உணர்ந்து செயல்புரியவேண்டும் என்ற ஆக்கப்பூர்வமான நோக்கிலேயே இச்செய்தி வெளியிடப்பட்டுள்ளது.

தனியார் நிலங்களுக்கு அரசு சந்தை விலை தராது என்று ஐக்கியப் பேரவைக்கு ஒரு சிலரால் அறிவுரை வழங்கப்பட்டிருந்தது. சந்தை விலை / குறியீட்டு விலையில் எது குறைவு - அதில் 150 சதவீதம் வரை அரசு வழங்கும் என அரசாங்க விதிகள் கூறுகின்றன. அதாவது சந்தை விலையிலும் நிலத்தினை மின்சார வாரியம் கையகப்படுத்தும் என்ற தகவல் ஐக்கியப் பேரவைக்கு - அதன் ஆலோசகர்களால் - வழங்கப்படவில்லை. பேரவைக்கு இவ்விசயம் குறித்து ஆலோசனை வழங்கியவர்கள் இந்த விதிமுறையினை அறிந்திருக்கவில்லை என்றே இச்செய்தி சுட்டிக்காட்டுகிறது.

இலவசமாக நிலங்கள் கொடுக்கப்பட்டுள்ளன. உண்மை. அந்த ஆவணங்களையும் இச்செய்தியில் வெளியிட்டுள்ளோம். மேலும் 1 கோடி ரூபாய்க்கு மேலான கிரையதிற்க்கும் நிலங்கள் கொடுக்கப்பட்டுள்ளன. வித்தியாசத்திற்கான காரணம் - அரசின் விதிமுறைகளை அறிந்து கொண்டு, அரசு துறைகளிடம் - சரியான முறையில் பேச்சுவார்த்தை நடத்தி இருந்தால் - சந்தை தொகை பெற்றிருக்கலாம் என்பதே இச்செய்தியின் சாராம்சம்.

மேலும் - காயல்பட்டினத்தில் நிலம் வழங்கப்படவில்லை என்றால் திட்டம் ஆத்தூருக்கு கொண்டுச்செல்லப்படும் என்றும் கூறப்பட்டது. அதனை மின்சார வாரியம் மறுத்துள்ளது. அந்த ஆவணமும் இச்செய்தியில் வெளியிடப்பட்டுள்ளது.