IP: 117.*.*.* India

"காயல்பட்டினமா? கலைஞ்சர் பட்டினமா?" என்ற விவாதம் தேவையற்றது. யாரோ ஒருவர் கலைஞ்சர் பட்டினம் என்று சொல்வதால் காயல்பட்டினம் கலைஞ்சர் பட்டினம் ஆகிவிடப்போவதில்லை.

பொதுவாக அரசியல்வாதிகள் தாங்கள் சார்ந்திருக்கும் கட்சியையும் தங்களது தலைமையையும் அளவுக்கு மீறி புகழ்வது இயல்புதான். அ .தி.மு.க வினர் ஜெயலலிதாவை "அம்மா" "தாயே" 'தாய்க்கு தாயே" "உலக ரட்சகி.." என்று புகழ்வதும் அதுபோலே தி.மு.க வினர் கருணாநிதியை "வாழும் தமிழே" வீசும் புயலே.." "எண்பத்து ஒன்பது வயது எழுச்சியே.." (அவனவனுக்கு நாற்பதிலேயே தடுமாரிகிறது. இவருக்கு மட்டும் எட்டு ஒன்பதில் என்ன எழுச்சியோ தெரியவில்லை) என்று புகழ்வதும் தினமும் நாம் காணக்கூடிய ஒன்றுதான்.

ஒரு வகையில் பார்த்தால் இதில் தி.மு.க வினரை மட்டும் இன்று குறை சொல்லி பயனில்லை. ஒரு காலத்தில் நமதூரும் அந்த நிலையில்தான் இருந்தது. "காயல்பட்டினம் என்றால் அது கலைஞ்சர் பட்டினம்தான்" என்று சொல்லி புளங்காகிதம் அடையும் சில பெரிய மண்டைகள் அன்றும் இருந்தன. இன்றும் இருக்கின்றன. இது ஒரு விதமான "கட்சி வெறி' என்று விட்டு விட்டு போகவேண்டியதுதான். இதனால் யாருக்கும் எவ்வித பாதிப்பும் ஏற்ப்பட்டுவிடப்போவதில்லை.

இன்றைய நவீன சிந்தனையுள்ள இளைன்சர்கள் படித்தவர்கள் இது போன்ற அற்ப புகழ்ச்சிகளை வெறிக் கூச்சல்களை ஆதரிப்பதுமில்லை. அங்கீகரிப்பதுமில்லை.

இங்கு எழுதியுள்ள பலரும் இந்த இளைய தலைமுறையை சார்ந்தவர்கள்தான் என்ற நம்பிக்கை எனக்கு உள்ளது. எனவே ஜைனுதீன் போன்றவர்களின் வெற்று அறிக்கை அறைக் காசுக்குக் கூட பயன் பெறாது. அவரது அறிக்கையில் உள்ளு வேறு பல பொய்களை இங்கு நிறைய பேர் தோலுரித்துவிட்டார்கள். எனவே இந்த அளவில் என் எழுத்து நிறைவடைகிறது.