IP: 117.*.*.* India

அஸ்ஸலாமு அலைக்கும் (வரஹ்).

உலகமெங்கிலும் உள்ள மனவளர்ச்சி குன்றிய மூளை முடக்குவாதத்தால் பாதிக்கப்பட்ட குழந்தைகள் நலம் பெறவேண்டி சிறப்புப் பிரார்த்தனைகள் செய்தது நன்று.

இந்த பிரார்த்தனையை துளிர் குழந்தைகளும், பயிற்றுநர்களும் செய்தால் மட்டும் போதாது - நாம் ஒவ்வொருவரும் அவசியம் செய்தல் வேண்டும்.
-------------------------------------------
விதியே என்று மதியை மறந்தால் :

துளிரானாலும் சரி வேறு எந்த பள்ளியானாலும் சரி இந்த மாதிரி மன வளர்ச்சி குன்றிய குழந்தைகளை பார்க்கும்போது நமது மனங்கள் மிக ,மிக வேதனையை அடைகின்றன.

இந்த மாதிரி குழந்தைகள் உருவாகுவதற்கு காரணம் இறைவனின் சோதனை என்கிறோம் - ஆனால் உண்மையாகவே காரணத்தை அறிந்தால் வேதனைதான் மிஞ்சும்.

பெற்றோர்கள் கவனமாக இருந்தால் மனவளர்ச்சி குன்றிய குழந்தைகள் உருவாகுவதை தடுக்கலாம் - விதியே என்று மதியை மறந்தால் விதி விளையாடத்தான் செய்யும்.
---------------------------------------------
பிரார்த்தனை செய்ய வேண்டியது :

மனவளர்ச்சி குன்றிய குழந்தைகளை பெற்றோர்கள் வளர்ப்பது என்பது ஒருபுறமிருக்க - அவர்களை துளிர் போன்ற பள்ளிகளில் பராமரித்து - பயிற்சியளித்து - வளர்க்கிறார்களே! அதுதான் மிகவும் சிரமமானதும் - சிறப்பானதும் - போற்றக்கூடியதுமாகும்.

உண்மையாகவே அந்த குழந்தைகளை பராமரிக்க கூடியவர்கள் மிகவும் நல்ல உள்ளம் படைத்தவர்களாக இருப்பார்கள் - அந்த நல்ல உள்ளம் படைத்தவர்களுக்காகவும் - துளிர் பள்ளி போன்ற நிருவனங்களை நடத்துபவர்களுக்காகவும் நாம் எப்போதும் பிரார்த்தனை செய்ய வேண்டியது நமது கடமையாகும்.
---------------------------------------------
வாழ்வை வளமாக்குங்கள் :

மனவளர்ச்சி குன்றிய அல்லது உடல் ஊனம் உள்ள குழந்தைகளை உடைய சில பெற்றோர்கள் அந்த குழந்தைகளுக்கு வைத்தியம் செய்வதற்காக வேண்டி உள்ளூர் வெளியூர் என்று பாராமல் பல டாக்டர்களிடம் சென்று முயற்சிகளை செய்கிறார்கள் மேலும் அதற்காக இலட்சக்கணக்கில் பணமும் செலவு செய்கிறார்கள்.

இருந்த போதிலும் சில குழந்தைகள் முழுவதுமாக குணமாகிறது - சில குழந்தைகள் பெற்றோர்களுடைய முறையான / சரியான பராமரிப்பின்றி அரைகுறையாக குணமாகிறார்கள்.

துளிர் போன்ற பள்ளிகளில் அந்த குழந்தைகளை சேர்த்து - அவர்களுக்கு முறையான பயிற்சியை அளித்தால் அந்த குழந்தைகளின் எதிர்காலம் ஒளிமயமாகும்.

எனவே மனவளர்ச்சி குன்றிய குழந்தைகளை உடைய பெற்றோர்கள் அந்த குழந்தைகளுக்கு வைத்தியம் மட்டும் பார்த்து, விட்டு விடாமல் - தயவு செய்து துளிர் போன்ற பள்ளிகளில் உங்கள் குழந்தைகளை பயிர்ச்சி பெற செய்து அவர்களின் வாழ்வை வளமாக்குங்கள்.
-----------------------------------------
மக்களே!

எல்லாம் வல்ல அல்லாஹ் ! யாருக்கும் இந்த மாதிரி மனவளர்ச்சி குன்றிய குழந்தைகளை தராமல் காப்பதோடு - துளிர் மற்றும் உலகில் உள்ள அனைத்து பாதிக்கப்பட்ட குழந்தைகளையும் குணம் பெற செய்வானாக.

மேலும் இவர்களுக்காக மனிதாபிமானத்தோடு சேவை செய்கின்ற அனைவருக்கும் வாழ்வில் வசந்தத்தை கொடுக்க பிரார்த்திப்போமாக ஆமீன்.

வஸ்ஸலாம்.