IP: 117.*.*.* India

என் பாசத்திற்குரிய அன்பு நண்பன் WAS ஷாஹுல் ஹமீத், WAS முஹம்மத் அலீ காக்கா ஆகியோரின் அன்புத் தந்தை அப்துஸ்ஸலாம் ஹாஜி அவர்களின் வஃபாத் என் மனதை மிகவும் வாட்டியது.

தொழுகை, நோன்பு, ஹஜ் உள்ளிட்ட வணக்கங்களெல்லாம் நம் ஒவ்வொருவரின் கடமை. ஆனால், ஒரு மனித வாழ்வின் வெற்றி, அவன் பிறரிடத்தில் எப்படி நடந்துகொண்டான் என்பதைப் பொருத்தே அல்லாஹ்விடத்தில் அமையும்.

அந்த அடிப்படையில், அனைவருடனும் அன்போடும், இன்முகத்தோடும் பழகும் நற்பழக்கத்தைத் தன்னகத்தே கொண்டவரும், நற்காரியங்களிலும், நகர்நலக் காரியங்களிலும் தான் எந்தப் பொறுப்பிலும் இல்லா நிலையிலும் முன்னின்று ஈடுபாடு காட்டியவருமான மர்ஹூம் அவர்களின் மறுமை வாழ்வு இன்ஷா அல்லாஹ் நிச்சயம் சிறக்கும். அதற்காக அல்லாஹ்விடம் பிரார்த்திக்கிறேன்.

اللهم اغفر له وارحمه

நல்ல மக்களைப் பெற்ற நல்ல தந்தை இன்று நம்முடன் இல்லை. அக்குறையை அம்மக்களாகிய நீங்கள் தந்தையையும் விஞ்சும் வகையில் பூர்த்தி செய்து, அதன் முழு நன்மைகளும் உங்கள் தந்தைக்கும் சென்று சேரச் செய்வீர்களாக... வல்ல அல்லாஹ் அதற்குத் துணை நிற்பானாக, ஆமீன்.

மர்ஹூம் அவர்களின் பிரிவால் வாடும் உங்கள் குடும்பத்தார் யாவருக்கும் எனது அகங்கனிந்த அஸ்ஸலாமு அலைக்கும் வரஹ்மத்துல்லாஹி வபரக்காதுஹ்...