IP: 114.*.*.* India

அஸ்ஸலாமு அழைக்கும் ரஹ்மதுல்லாஹி வ பரக்காத்துஹு,

அண்மை காலமாக சமுதாய மேம்பாட்டுக்கான சேவைகளில் தங்களை முழுமையாக ஈடுபடுத்தி வரும் கே.வி.ஏ.டி. அறக்கட்டளைக்கு என்னுடைய மனமார்ந்த வாழ்த்துக்களையும், துஆக்களையும் பதிவு செய்து கொள்கிறேன்.

அதே நேரம், இந்த நிகழ்வு குறித்த என்னுடைய ஆழ்ந்த கவலைகளையும் இங்கே பதிவு செய்கிறேன். எது நடக்கக்கூடாது என்று கவலைப்பட்டேனோ அது நடந்து விட்டது.

04 வது வார்டு உறுப்பினர் கே.வி.ஏ.டி.முத்து ஹாஜரா அவர்களின் குறை என்ன..

1 நகராட்சிக்குட்பட்ட பகுதிகளில் குப்பைகளை சேகரிப்பதற்காக இயக்கப்படும் லாரிகள் முறையாக வருவதில்லை என்ற குறை நீக்கப்படாமலேயே இருப்பது

2 இதனால் தம் பகுதிகளில் குப்பைகள் தேங்கி சுகாதாரக் கேடு ஏற்படுவது

3 நகர்மன்ற உறுப்பினர் என்ற அடிப்படையில் பொதுமக்களின் கண்டனத்திற்குதான் ஆளாக நேருவது.

இதற்க்கு தீர்வு.............

ரூ.22000 செலவில் உடனடியாக 3 குப்பை வண்டிகள்..............

சொந்த செலவில் ஊழியர்..............

மக்கள் விரும்பினால் ரூ. 30 சேவை கட்டணம்............

சாதாரண மக்களில் ஒருவனாகிய என்னுடைய கவலை எல்லாம் இது சரியான தீர்வு தானா. நகராட்சியின் அன்றாட பணிகளில் குப்பைகளை முறைப்படி தேங்காமல் சேகரிப்பதும் முக்கியமானதுதானே.

இந்த விசயத்தில் குப்பை அல்லும் லாரிகள் முறையாக வருவதில்லை, இதனால் குப்பைகள் தேங்கி உள்ளது என்பது உறுப்பினரின் ஆதாரமான குற்றச்சாட்டு............. இதற்கு தீர்வு.............. அறக்கட்டளை என்ற பின்புலம் கொண்ட உறுப்பினர் என்பதால் அவரால் முடிந்தது............. அதே நேரம் மற்ற வார்டுகள் நிலைமை என்ன.............. இது ஒரு தவறான முன் உதாரணமாகவே படுகிறது.............

என்ன செய்திருக்க வேண்டும் நகர தலைவர்........... உடனடியாக நடவடிக்கை எடுத்து நகராட்சி மூலமாகவே இதற்க்கு தீர்வு கண்டிருக்க வேண்டும். கே.வி.ஏ.டி. அறக்கட்டளை மற்றும் இதர சமூக நல அமைப்புகளுடன் இணைந்து தேவையான குப்பை அள்ளும் வண்டிகளை நகராட்சிக்கே வழங்கியிருக்க வேண்டும்....... நான் அடிக்கடி வலியுறுத்தும் நமக்கு கிடைக்க வேண்டிய அடிப்படை தேவைகளை போராடி பெறுவது............ என்பது கேலிக்குரியதாக போய் விடுமோ என்று பயமாக இருக்கிறது.

அண்மையில் மின்சார வாரியத்திற்கு குறைந்த விலையில் அடிப்படை தகவல் சார்பு நிலையற்று நிலங்களை விற்ற சம்பவத்திற்கும், தற்போது சொந்த செலவில் ரூ.22000 செலவில் குப்பை அள்ளும் வண்டிகள் வாங்கியதற்கும் மாதா மாதம் சொந்த செலவில் குப்பை அள்ளும் சகோதரருக்கு சம்பளம் கொடுக்கபோவதிர்க்கும் அதிக வித்தியாசம் இருப்பதாக தெரியவில்லை.

அன்புள்ள சகோதரர்களே.......... கே.வி.ஏ.டிஅங்கத்தினர்களே தயவு செய்து ஒரு நல்ல சேவை விஷயத்தை விமர்சிக்கிறேன் என்று கண்டனங்களை வீசாதீர்கள்...... இதில் உள்ள சாதக பாதகங்களை யோசியுங்கள்.

ஒரு சின்ன கால்புண்தான் தலையையே கொண்டு போய் விடும்...... ஒரு தவறான முன் உதாரணத்திற்கு தயவு செய்து தயராகதீர்கள்.............

நமக்கு கிடைக்க வேண்டிய உரிமைகளை போராடியாவது பெறுங்கள்........ அறக்கட்டளைகளும் சமுதாய அமைப்புகளும் நம் ஊருக்கு ஆற்ற வேண்டிய பணி அநேகம் உள்ளது....... அதில் சுவனத்திர்க்கான முகவரி கண்டிப்பாய் இருக்கும். இன்ஷா அல்லாஹ்.......

சமுதாய நோக்குடன்...........
முஸ்தாக் அஹ்மத்.