IP: 117.*.*.* India

கோடிக்கணக்கான மக்களின் வாழ்வோடு விளையாடும் ஒரு உயிர்நாடியான பிரச்சினையை வெறும் அரசியல்வாதிகளின் சுயநல காய் நகர்த்தலாக மட்டும் பார்க்கக்கூடாது.

மதுரை ராமநாதபுரம் மாவாட்ட ஏழை விவசாயிகளின் வாழ்வில் வசந்தம் வீச ஒரு ஆங்கிலநேயனால் தனது சொந்த பொருட்செலவில் கட்டப்பட்டது முல்லைபெரியார் அணை. கேரளாவில் விவசாயம் குறைவு. எனவே அந்த அணையினால் அவர்களுக்கு பெரிய லாபம் இல்லை என்றே சொல்லவேண்டும்.

அரசியல்வாதிகள் எல்லா இடங்களிலும் ஒன்றுபோல்தான். இதில் கழகம் கம்யூனிஸ்ட் எல்லாம் ஒரே குட்டையில் ஊறிய மட்டைகள்தான். கழகங்கள் எல்லாமும் உத்தமர்கள் அல்லர்தான். அதை நாமும் ஒப்புக்கொள்கிறோம்.

ஆனால் இது விசயத்தில் ஏழை விவசாயிகளின் நலனை முன்நிறுத்திப்பார்க்கும் போது நமது பக்கமே நியாயம் உள்ளது. கோடிக்கணக்கான மக்களின் உயிர்வாழ்வின் ஜீவாதாரமாக இருக்கும் ஒரு அணையை உடைப்பேன் தகர்ப்பேன் என்று சொல்ல்வது கடைந்தெடுத்த அராஜகம். அணை பாதுகாப்பற்றது என்று சொன்னால் அதை இரண்டு பக்கமும் சொல்லவேண்டும் பாதுகாப்பற்ற அணை எல்லோருக்கும் ஆபத்தானதுதான். அனால் இங்கு கேரளத்தவர்கள் மட்டுமே அணையின் உறுதி குறித்து சந்தேகம் கிளப்புகிறார்கள். உச்ச நீதிமன்றத்தின் தீர்ப்பையும் புறம் தள்ளுகிறார்கள்.நிபுணர் குழுவும் அணை பாதுகாப்பாகவே இருக்கிறது என சொல்லி இருக்கிறார்கள். மலையாளிகள் ஒன்றும் தீர்கதரிசிகள் அல்ல.

அதேசமயம் ஒரு குறும் படத்தினால் (டேம் 999 ) ஏதோ தமிழகத்திற்கு ஆபத்து நிகழ்ந்துவிடும் என்று இங்குள்ளவர்கள் பூச்சாண்டி காட்டுவதும் கருத்து சுதந்திரத்தின் குரல்வளையை நெரிப்பதும் முட்டாள்த்தனம். அதிலும் வைகோ போன்றவர்களே இதை முன் நிறுத்துவது ஆச்சர்யம் அளிக்கிறது.

மலையாளிகள் தமிழர்களை தாக்குவதும் பதிலுக்கு தமிழர்கள் மலையாளிகளின் வணிக நிறுவனங்களை அடித்து நொறுக்குவதும் உச்ச கட்ட பாசிசம். ஒரு திராணியுள்ள நெஞ்சழுத்தம் மிக்க மத்திய அரசு இதை தடுத்து நிறுத்தி நியாயம் வழங்கவேண்டும் .எங்கே...?அது காவிரி பிரச்சினையில் விட்ட குறட்டையே இன்னும் கலையவில்லையே....