IP: 195.*.*.* United Arab Emirates

விலைவாசி உயர்வை கண்டித்து நடத்தப்பட்ட இந்த திமுக கூட்டத்தில் எதை பேச வேண்டுமோ அதை விட்டு விட்டார்கள். திமுக ஆட்சியில் அதிமுக எதிர்ப்பு கூட்டமும் அதிமுக ஆட்சியில் திமுக எதிர்ப்பு கூட்டமும், காங்கிரஸ் ஆட்சியில் பிஜேபி எதிர்ப்பு கூட்டமும் பிஜேபி ஆட்சியில் காங்கிரஸ் எதிர்ப்பு கூட்டமும் இவை எல்லாமே அரசியல் விளையாட்டுக்களே தவிர மக்கள் நலனில் கொண்ட அக்கறையே காரணம் என்று யாரும் சொல்வதற்கில்லை.

இலவசம் என்ற உடன் முண்டி அடித்து அதனை பெற்று பிறரையும் பெறச்செய்து ஓட்டு போட்டு விட்டு அய்யகோ என்ன அநியாயம் இது இப்படி விலைகளை உயர்த்துகிறார்களே என்று கத்துவது என்ன நியாயம்.

போதுமான விழிப்புணர்வு, கல்வி அறிவு, மக்கள் நலனில் அக்கறை, படைத்தவனுக்கு மட்டுமே அஞ்சி நடக்கும் உள்ளம் கொண்ட நல்லவர்களை அடையாளம் கண்டு ஆட்சி அதிகாரங்களில் அமர வைத்தால் மட்டுமே ஒரு நல்ல மாற்றத்தை நம் இந்திய நாடு அடையும். அது வெகு சுலபத்தில் நடக்காது ஒரு மாபெரும் மக்கள் புரட்சி காணாமல்.

இந்த புரட்சி ஒவ்வொரு தாய் தந்தையிடமிருந்து தங்களது குழந்தைகளுக்கு ஊட்டப்பட வேண்டும். என்ன நடந்தால் நமக்கென்ன என்ற எண்ணம் ஒழிய வேண்டும் ஆனால் சிந்திக்காது மதி மயங்கி உசுப்பேற்றல்களுக்கு ஆளாகி போலிகளுக்கு பலியும் ஆகி விடக்கூடாது.

காயல்பட்டிணம் என்பதை கலைஞர் பட்டிணம் என்றோ அல்லது வேறு ஒரு பெயர் வைத்து அழைப்பதின் மூலமோ அதன் பெயர் மாறி விடாது. இவ்வாறு அழைப்பதெல்லாம் அவரவர் சார்ந்திருக்கும் கட்சியின் தலைமையை தலைக்கு மேல் வைத்து ஆடி சில அற்ப சொற்ப சுய அல்லது பொது லாபம் பெற அயராது உழைக்கும் சகோதரர்களின் வழிமுறை. இதை பெரிதுபடுத்துதல் சரி அன்று.

மேலும் "மெகா" என்ற அமைப்பின் செயல்பாடுகளை விமர்சித்துள்ளது தேவையற்றது. அவர்கள் ஒன்றும் அரசியல் கட்சிகளை சாடவில்லை என்றே எனக்கு நியாபகம் இருக்கிறது. "மெகா" இது குறித்து தனது விளக்கங்களை/விமர்சனங்களை தெரிவித்து நேரத்தை வீணடிக்கும் வேளையில் இறங்க வேண்டாம்.

சகோ. சித்தீக் தனது கருத்தில் சொன்னது போன்று DCW வின் நாசகார வேலைகளுக்கு மூடு விழா நடத்த இவர்கள் ஒன்றும் செய்ய மாட்டார்கள், அது நமது சமுதாயத்தில் இருந்து துவங்க வேண்டும், அதுவும் ஆங்கில மோகத்தின் உச்சத்தில் இருந்து கொண்டு அவர்கள் நடத்தும் நிறுவனங்களில் பயிலும்/பணிபுரியும் நபர்களிடமிருந்து.