IP: 217.*.*.* United Arab Emirates

நெசவு தெரு ஒருவழிபாதையினை எதிர்த்தும் ஆதரித்தும் ஆரோக்யமற்ற, ஆனால் ஆக்ரோசமான கருத்துகளை பதிவு செய்தவர்களுக்கு இடையில் சகோ. ஹைதர் அலி அவர்கள் தமது கருத்தை மென்மையான முறையில் பதிந்திருகின்றார். அதே நேரத்தில் அவர் கருத்தில் பதிந்த சில விசயங்கள் ஏற்புடையதாக இல்லை.

நெசவு தெரு ஒரு வழி பாதையை நடை முறை படுத்தும்போது நெசவு தெருகாரர்களை ஒருமுறைகூட கலந்து பேசாதது போல் ஒரு பிரமை உருவாகியிருகின்றது.அது எவ்வளவு தூரம் உண்மை என்று எனக்கு தெரியவில்லை.

சகோதரர் கோடிட்டு காட்டிய அந்த பத்திரிக்கை செய்தியிலேயே அன்றைய தலைவர் அப்துர் ரஹ்மான் அவர்களினால் இதற்கென்றே ஒரு கமிட்டியை உருவாக்கியதாகவும் அது நெசவு தெரு ஜமாத்தை அணுகி பேச்சுவார்த்தை நடத்தியதாகவும் வந்திருகின்றது. அதில் சுமூக முடிவு ஏற்படவில்லை என்றும் இருகின்றது. எப்படி ஏற்படும்?

நெசவு தெருவின் வழியாக ஒரு போதும் போக்குவரத்தை அனுமதிக்கவே முடியாது என்று அடம் பிடித்தால் எப்படி ஏற்படும்? ஆக அணுகவில்லை என்று சொல்வதை விட அவர்கள் உடன் பட வில்ல என்று சொல்வதுதான் பொருத்தம்.

இப்படித்தான் ஒவ்வொரு இடத்திலும் போக்கு வரத்தை தொடங்குவதற்கு முன் அவர்களின் முழு அனுமதியும் ஒத்துழைப்பும் வேண்டும் என்றால் எங்கும் ரோடு போடா முடியாது. KTM தெருவில் தொடங்குவதற்கு முன் அவர்களிடம் அனுமதி கேட்டார்களா என்று தெரியவில்லை. இவ்வளவு பிரசினைகளுக்கு மத்தியில் இதனை தொடர்வதுக்கு இப்போது KTM தெருவில் ஒரு கருத்துகணிப்பு நடத்துவார்களா? அதில் KTM தெருகாரர்கள் வேண்டாம் என்றால் அதனை மாற்றி அமைப்பார்களா?

சகோதரர் சுட்டிகாட்டிய அந்த புதிய ரூட்டில் இரண்டு வழிகளையும் மாற்றி அமைத்தால் நலம். அந்த ரூட்டில் உள்ளவர்கள் கம்பை தூக்கி கொண்டு வர மாட்டார்கள் என்று நம்புவோமாக!

நெசவு தெரு ஒருவழி பாதை கதை நான் சிறு வயதிலேயே கேட்டு கேட்டு பழகிப்போன விஷயம். நான் படிக்கும் காலத்தில் பல முறை போக்குவரத்தை விட்டு முயற்சியும் செய்தாகிவிட்டது. இது ஒன்றும் நேற்று அல்லது இன்று ரகசியமாக பேசப்பட்டு யாருக்கும் தெரியாமல் முயற்சி செய்யப்படும் விஷயம் இல்லை.அனைவரும் நன்றாக அறிந்ததே!

அடுத்து அவர்கள் சுட்டிக்காட்டிய இடத்தில இருக்கும் ஆக்கிரமிப்புகள் இருப்பதாகவே எடுத்து கொள்வோம்! அதை அகற்றினால் மட்டும் இரு வழி பாதையை சுமூகமாக நடத்த முடியும் என்று நல்ல படித்த சிந்தனை வாதியான சகோதரர் நம்புகிறார் என்பதை என்னால் நம்ப முடியவில்லை.

மாற்று வழிகள் பல இருக்கலாம். ஆனால் இருப்பதில் காயலர் அனைவர்களுக்கும் எளிதானதும் நடைமுறைக்கு உகந்ததும் இது இருப்பதால்தான் நெசவுதெரு ஜமாஅத்தை தவிர்த்து அனைவரும் இதனை வரவேற்கின்றார்கள். சகோதரர் நெசவு தெருக்காரர் என்பதை விட எங்களின் தலை சிறந்த "காயல்" நண்பர் என்ற உரிமையுடன் கேட்கின்றோம். உங்கள் காயலுக்காக இதை செய்ய கூடாதா?