IP: 109.*.*.* Saudi Arabia

அஸ்ஸலாமு அலைக்கும்!

இந்த கருத்து பரிமாற்றங்கள் ஒரு ஆரோக்கியமான விஷயம் தானே தவிர, கோபத்திற்கும் மனஸ்தாபத்திர்க்கும் எந்த இடமும் இல்லை. இந்த பகுதி மூலம் சில உண்மைகளையும், உண்மையிலேயே பாதிக்கபட்டு இருக்கும் எங்கள் மனக்குமுறல்களையும் பதிவு செய்யும் வாய்ப்பாக கருதி இங்கே உரைத்து இருக்கிறோம்.. அதே வேளையில் சும்மா வெளியில் இருந்து கொண்டு விட்டு கொடுத்தால் என்ன? பரந்த மனம் வேணும், என்று வாயால் மட்டும் பேசிகொண்டிர்போர்க்கும் இங்கே விவாதித்த கருத்துக்கள் விடயமாக இருக்கும் என்று நம்புகிறேன்.

அன்பு சகோதரர் ஹைதர் காக்கா மற்றும் இங்கே கருத்து சொல்லி இருக்கும் நண்பர் தாவூத் அவர்களுக்கு ஒரு விளக்கம்.

* முதலில் நீங்கள் திரும்ப திரும்ப சொல்லும் அந்த காவல்துறை பரிந்துரை, எதனால் என்பதை ஏன் ஏற்க மறுக்கிறீர்கள்!! சம்பந்தபட்ட தெரு பொதுமக்கள் ஒருவழிபாதையை மறுப்பதாலும், மாற்றுதிட்ட பாதையின் சாலை குறுகலாக உள்ளதால் தானே காவல் துறை மூன்றாம் திட்டமான ஆக்கிரமிப்பை அகற்ற பரிந்துரைத்துள்ளது. நீங்கள் மனம் வைத்தால் என்ன?

* ஆக்கிரமிப்பு நீங்கள் சொன்ன படி 10 அடி என்று கூட வைத்துகொண்டாலும், அதனால் எதாவது சொல்லப்பட கூடிய போக்குவரத்து மாற்றம் வருமா? அவர்கள் அளவீட்டின் படி, நெடுஞ்சாலை துறை முன் / பின் என்ற அளவு முறை தானே பின்பற்றப்படும். பின் உரிய அனுமதியுடன் கட்டப்பட்ட கட்டிடம் அப்படிதானே இருக்க போகிறது!! அது வெளிநோக்கி இருந்தால் கூட!! ஒரு வழிப்பாதையால் கிடைக்ககூடிய நன்மை கிடைத்து விடுமா?

* நீங்கள் சொன்ன அத்தனை காரணங்களும் ஊர் நலன் என்று வரும் பொது அற்பமானைவை தான்.. அதனால் தான் நாங்கள் விட்டு கொடுத்து.. சில சந்தோசங்களை இழந்து, சங்கடங்களை அனுபவித்து வருகிறோம்... இருந்தாலும்,நாங்களோ, எங்கள் முன்னுள்ள தலைமுறையினரோ, எங்கள் பிள்ளைகளோ, கல்வியிலும், விளையாட்டிலும் மற்ற எந்த தெருவை சார்ந்தவருக்கும் சளைத்தவர்கள் அல்ல.. அல்ஹம்துலில்லாஹ் ஆரோக்கியத்திலும் அல்லாஹ் எங்கள் அனைவருக்கும் எந்த குறையும் வைக்கவில்லை. ஆகையால் இந்த போக்குவரத்து பாதிப்பு என்பது பல அற்பமான காரணங்களுக்கு தானேயன்றி வேறில்லை!!

* இது எல்லாம் அற்பமானவை என்று சொன்னதும் இரண்டு LK பள்ளிகள் இருக்கு அவை பாதிக்கப்படும் என்ற புதிய காரணத்தை நண்பர் கண்டுபிடிருக்கிறார். அதுபற்றி சம்பந்தபட்ட பள்ளி நிர்வாகமோ, பெற்றோர்களோ கவலை படவில்லை கவலைப்பட வேண்டிய அவசியமும் இல்லை. எனவே உங்களுக்கும் வீண் கவலை வேண்டாம். எல்கே பள்ளிக்கு மெயின் ரோட்டிலும் ஒரு வாசல் உள்ளது, மத்திய, மேற்குகாயல் பகுதி மாணவர்கள் அந்த பகுதியைதான் பயன்படுத்துகிறார்கள்...அதுவும் மிகுந்த போக்குவரத்து உள்ள இடம்.. எந்த பாதிப்பும் யாருக்கும் வரவில்லை... அல்லாஹ் இனியும் காப்பாத்துவான்!!

* இறுதியாக மூப்பனார் ஓடை பற்றி சொல்லி விட்டு, KTM தெரு மக்கள் தான் அதை அதிகம் ஆக்கிரமித்து இருகிறார்கள் என்றும் சொல்லி இருக்கிறார் நண்பர்.. KMT மருத்துவமனையில் இருந்து ஆரம்பிக்கும் அந்த ஓடை.. சின்னநெசவு தெரு தாண்டி இங்கே வந்து... ஆராம்பள்ளியை சென்று அடையும் ..இது 60 -70 வருடங்களுக்கு முன்.. அப்படி என்றால் KMT தொடங்கி தாயும் பள்ளி வரை உள்ள ஓடையை ஆக்கிரமித்து இருப்பது யார்? அதுவும் KTM தெருவினரா?

தாயும் பள்ளியில் தொடங்கி எத்தனை இடம் மூப்பனார் ஓடையில் பெரிய நெசவு தெருவினரால் ஆக்கிரமிக்கப்பட்டு இருக்கிறது என்றும் மனசாட்சியை கேட்டு சொல்லுவீர்களா? அது என்ன பெரும்பாலும்?

சரி இப்போ மூப்பனார் ஓடையும், GK வாசன் ஓடையும் பிரச்னை இல்லை..இந்த ஓடையை மீட்டால் போக்குவரத்து சரியாகிவிடுமா? அப்படி 100 வருஷ முன்கனக்கு எல்லாம் ஊரில் எடுத்து பார்தால்... ஒரு வீடு கூட மிஞ்சாது!! எதற்கு சம்பந்தம் இல்லாததை முடிச்சி போடுகிறீர்கள் என்று தெரியவில்லை?

இப்படி நீங்கள் குறுகிய நோக்கில் விவாதம் பண்ணி கொண்டிருந்தால் ஒன்றும் ஆக போறது இல்லை....முன்பு போல் மீண்டும் இத்திட்டம் கிடப்பில் போடப்படும்!! நாங்களும் விரிவாக்கம்... விரிவாக்கம் என்ற பேரில் உரிமையை மட்டும் அல்ல உடமைகளையும் (சிலர் வீட்டில் பகுதி உட்பட) இழந்து விட்டு இருக்கிறோம்!! இனி இழப்பதற்கு ஒன்றும் இல்லை.. நாங்கள் மட்டுமே ஊர் நலன் என்று தியாகம் பண்ணி கொண்டு எல்லாவற்றையும் இழந்து வெறும் தியாகி பட்டத்தை மட்டும் சுமக்கும் சுமை தாங்கிகள் அல்ல!!