IP: 59.*.*.* India

நல்லதொரு ஏற்பாடு. சில யோசனைகளை இந்த நிகழ்ச்சியை ஏற்பாடு செய்திருப்பவர்களுக்கு இந்த இனைய தளத்தின் மூலம் சொல்வதற்கு ஆசைப்படுகிறேன். கருந்தரங்கில் தங்கள் வேதனைகளையும் ஆதங்கங்களையும் வெளிப்படுத்துபவர்களின் குரல்கள் ஒலிவாங்கிக்கு முன்னால் ஒலிக்கும்போது சம்பந்தப்பட்டவர்களின் எதிரணியினர் அவற்றை காதில் வாங்கிக்கொண்டு பிரச்னையை இன்னும் தீவிரமாக்கக்கூடிய வாய்ப்பு உள்ளது. நல்லது செய்யப்போய் கெட்ட பெயரை வாங்கிக்கொள்ள கூடாது.

எனவே இன்றே சந்தேகம் கேட்க விரும்புவர்கள் உங்கள் மின்னஞ்சலுக்கு தங்கள் சந்தேகங்களை அனுப்பிவைக்க ஏற்பாடு செய்யுங்கள்.

ஒரு பொதுவான இடத்தில அல்லது கருத்தரங்குக்கு ஏற்பாடு செய்யப்பட்டுள்ள இடத்தில ஒரு தபால் பெட்டி மாதிரி வைத்து அவர்கள் கடிதங்களை அங்கு போட ஏற்பாடு செய்யலாம்.

சந்தேகங்களுக்கு விளக்கம் சொல்பவர்கள் தெருவை மட்டும் சொல்லி விளக்கங்களை சொல்லலாம். சம்பந்தப்பட்டவர்கள் விஷயத்தை விளங்கி கொள்வார்கள். மற்றப்படி அதை பெரிதாக நினைக்காதவர்கள் தாராளமாய் கருத்தரங்கில் கேட்க அவர்களுக்கு சந்தர்ப்பம் அளிக்கலாம்.

ஒரு நபர் கேள்வி கேட்கும் நேரத்தையும் கட்டுப்பாட்டுக்குள் வைத்தால் நிறைய பேர் சந்தேகம் கேட்டு தெளிவு பெறலாம்.

சிலர் ஆரம்பிக்கும்போது, வாழ்த்துரைகள், புகழாரங்கள் சூட்டி பேசி பிரச்சினை என்னவென்று சொல்வதற்கே பத்து நிமிடங்கள் ஆகி விடுகின்றன. இதெல்லாம் அனுபவத்தில் கண்ட உண்மைகள்.

காலம் மிகவும் பெறுமதியானது, நடக்கவிருக்கும் நிகழ்சிகளும் அதை நடத்துபவர்களும் அதில் கலந்து கொண்டு சந்தேகங்களுக்கு விளக்கம் தரவிருப்பவர்களும் மிக மிக பெறுமதியானவர்கள். எனவே இந்த சிறியவனின் ஆலோசனைகளை உதாசீனம் செய்துவிடாதீர்கள்.

எல்லா நிகழ்சிகளும் திட்டமிட்டபடி நடந்து நமதூர் மக்கள் நற்பயன்பெற வாழ்த்துக்கள்.